İranda daha 14 məhbus, edama hazırlıq üçün təkadamlıq kameralara köçürülüb

İranda daha 14 məhbus, edama hazırlıq üçün təkadamlıq kameralara köçürülüb

GünAzTV: İranda, törətdikləri müxtəlif cinayətlərə görə edama məhkum edilən daha 14 məhbus, ölüm hökmünün icrasına hazırlıq üçün təkadamlıq kameralara köçürülüb.

 

İrandakı hüquq müdafiəçilərinin yaydığı məlumata əsasən, Kərəcin Rəcayişəhr zindanında saxlanılan və əksəriyyəti qəsdən adamöldürmədə günahlandırılan məhbuslar, aprelin 17-də həbsxananın ümumi korpusundan təkadamlıq kameralara köçürülüb. Edama hazırlaşdırılan müttəhimlərdən 4-ünün (Fərzad Rəhmani, Möhsün Babayi, Mehdi Bəhluli və Seyid Həsən Hüseyni) kimliyi mediada işıqlandırılıb. Müttəhimlərin yaxın saatlarda və ya yaxın günlərdə dar ağacından asılacağı gözlənilir.

 

İranda edamların sayının kəskin artması, yerli və beynəlxalq hüquq təşkilatlarının ciddi narahatlığına səbəb olub. İran İslam Respublikası hökuməti, ölkədə vətəndaşlara qarşı çıxarılan ölüm hökmlərinin sayına görə, dünyada Çindən sonra ikinci yeri tutur.

A.M


HƏMÇİNİN OXUYUN

HƏMÇİNİN OXUYUN