İranda kürd “Pjak”çılarla baş verən qarşıdurmada 1 sərhədçi həlak olub, 3-ü yaralanıb

İranda kürd “Pjak”çılarla baş verən qarşıdurmada 1 sərhədçi həlak olub, 3-ü yaralanıb

GünAzTV: PKK terror təşkilatının İran qanadı sayılan “Pjak” kürd yaraqlıları ilə baş verən silahlı qarşıdurmada 1 İran sərhədçisi həlak olub, 3-ü ağır yaralanıb.

 

Hadisə, iyulun 2-si sübh saat 4:45 radələrində İranın Qərbi Azərbaycan əyalətinin Piranşəhr şəhərinə yaxın sərhəd zonasında baş verib. Üz-üzə gələn “Pjak”çılarla sərhədçilər arasında baş verən atışmada milliyyətcə azərbaycanlı olan sərhədçilərdən biri, Qəzvin şəhər sakini, əsgər Fərşad Rəmzi aldığı güllə yarasından yerindəcə həlak olub, Mərənd şəhər sakini olan azərbaycanlı əsgərlər, Məhəmməd Rəncbər və Rza Əhmədi, eləcə də zabit Seyid Səccad Musəvi ağır yaralanaraq xəstəxanaya yerləşdirilib.

 

Silahlı atışmada “Pjak”çı kürd yaraqlıların mümkün itkiləri barədə hər hansı bir məlumat yayılmayıb.

 

Qeyd edək ki, son illər İranın Qərbi Azərbaycan əyalətində yüzlərlə günahsız insan kürd terrorizminin qurbanı olmasına baxmayaraq İranın hökumt saytları həmin terrorçu qruplaşmaların adlarını çəkməkdən boyun qaçıraraq, mediada onları “silahlı quldurlar” adı ilə təqdim edirlər.

A.M


HƏMÇİNİN OXUYUN

HƏMÇİNİN OXUYUN