İranda siyasi məhbus Vəhid Səyyadi Nəsiri 60 günlük aclıq aksiyasından sonra həyatını itirib

İranda siyasi məhbus Vəhid Səyyadi Nəsiri 60 günlük aclıq aksiyasından sonra həyatını itirib

GünAzTV: İranın Qum şəhərinin zindanında saxlanılan siyasi məhbus Vəhid Səyyadi Nəsiri, qanusuz həbsinə, zindanda ağır şəraitdə saxlanmasına və Tehranın Evin zindanına köçürülməsi ilə bağlı tələbinin yerinə yetirilməməsinə etiraz əlaməti olaraq, 60 gün davam etdirdiyi aclıq aksiyasından sonra keçinib.

 

Bu barədə siyasi məhbusun bacısı İlahə Səyyadi Nəsiri, dekabrın 12-də jurnalistlərə açıqlamasında məlumat verib. O bildirib ki, Qum zindanının məsulları həmin gün onlara zəng vuaraq, qardaşının öldüyünü bildiriblər: “Bizə dedilər ki, Vəhid “Şəhid Behişti” xəstəxanasında uzun sürən aclıq nəticəsində keçinib və əgər onun meyitini təhvil almaq istəyiriksə, Qumun “Beheşt-i Məsumə” qəbiristanlığına getməliyik”.

 

Bildirilir ki, “Facebook”da və digər sosial şəbəklələrdə paylaşdığı tənqidi yazılarına görə ilk dəfə 2015-ci ilin sentyabr ayında həbs edilən Vəhid, paylaşdığı postlarda İranın dini lideri axund Əli Xamneyini təhqir etməkdə və islam respublikasına qarşı təbliğat aparmaqda günahlandırılaraq, 8 il azadlıqdan məhrum edilmişdi.

 

İki il yarım həbsdə saxlandıqdan sonra bu ilin mart ayında Novruz bayramı münasibətilə əfv edilərək Kərəcin Rəcayişəhr həbsxanasından azadlığa buraxılan Vəhid, sosial şəbəklərdə fəaliyyətini davam etdirdiyinə görə, cari ilin avqust ayında ETTELAAT-ın Qum şöbəsinin əməkdaşları tərəfindən yenidən həbs edilmişdi.

 

A.M


HƏMÇİNİN OXUYUN

HƏMÇİNİN OXUYUN