İrandan İraq Kürdistanına sərt reaksiya

İrandan İraq Kürdistanına sərt reaksiya

GünAz TV: İran İraqda separatçı referendum keçirməkdə olan kürd muxtariyyətinin Ərbil şəhərinə bağlı dağlıq sərhəd bölgələrini bombalayıb.

 

Bu barədə “Kürdüstan Vətənpərvər Birliyi” məlumat yayıb. Açıqlamada bildirilir ki, İran 6 kəndi top atəşinə tutub.

 

Bombalanma nəticəsində hər hansı bir itki barədə məlumat verilmir.

 

İranın İslam İnqilabı Keşikçiləri Korpusu (“Sepah”)) isə bazar günü sentyabrın 24-də İraqın Kürdüstan Muxtariyyəti ilə sərhəddə geniş hərbi təlimlərə başlayıb.

 

Məlumata görə, təlimlərin "Məhərrəm" kod adlı əsas hissəsi İranın İraqla sərhəddə yerləşən Qərbi Azərbaycan əyalətindəki Oşnevie şəhəri ərazisində başlayıb.

 

"Təlimlər zamanı pilotsuz uçan apparat, raket, artilleriya (topxana), hərbi hava qüvvələri və zirehli tank bölmələrindən istifadə etməklə əməliyyatların uyğunlaşdırılması uğurla həyata keçirilib", — deyə “Sepah”ın quru qoşunları komandanı briqada generalı Məhəmməd Pakpur bildirib.

 

Bundan əlavə İranın Milli Təhlükəsizlik üzrə Ali Şurası Bağdadın xahişi ilə müvəqqəti olaraq İraqın kürd muxtariyyəti ilə hava nəqliyyatını dayandırıb.

 

İraq hakimiyyətinin əsas tərəfdaşı olan İran kürdlərin referendum qərarına qarşı çıxır, referendumun qanunsuz olduğunu bəyan edir.

Referendum qərarına qarşı çıxan Türkiyə də İraqla sərhəddə geniş miqyaslı hərbi təlim keçir. Müstəqilliklə bağlı referendum Şimali İraq Kürdüstan Muxtariyyətinin rəhbəri Məsud Barzaninin əmri ilə bu gün keçirilir.

 

N.S


HƏMÇİNİN OXUYUN

HƏMÇİNİN OXUYUN