İranlı 100 fəal: "Koronavirusun milli faciəyə çevrilməsinə görə əsas məsuliyyəti Əli Xamneyi daşıyır"

2020-03-30

GünAz TV: 100 iranlı siyasi və mədəni fəal yaydıqları bəyanatda koronavirusun ölkədə epidemiyadan milli fəciəyə çevrilməsinə görə əsas məsuliyyəti "dini lider" Əli Xamneyinin daşıdığını, Həsən Ruhaninin də xəstəliyin yayılmasını gizlətmək və bunu "düşmənin məkrli planı" ilə bağlamaqda Xamneyi ilə əlbir olduğunu bildirib.

 

Bəyanatı imzalayanlar qeyd ediblər ki, rejimin insanların inqilabın 41-ci il dönümündə və Parlament seçkilərində iştirakını təmin etmək üçün koronavirusun ölkədə yayılmasını gizlətməsi xalqın xəstəlikdən özünü qorumasının qarşısını alıb.

 

İran Səhiyyə Nazirliyinin bəzi rəsmiləri, eləcə də bir neçə millət vəkili sözügedən pandemiyanın ölkədə yanvar ayının sonlarından yayıldığını, lakin hökumətin faktı gizlətdiyini etiraf edirlər. Hökumət isə yanvar ayından bu məsələni təkzib edirdi. "Dini lider"in yaxın silahdaşları olan mühafizəkarlar isə koronavirusun yayılması məsələsinin "düşmən" tərəfindən Milli Məclis seçkilərinə kölgə salmaq üçün ortaya atıldığını iddia edirdilər.

 

Fəallar bəyanatda həmçinin koronavirusa görə Amerikanı "bioloji hücum"da ittiham edən və digər cəfəng fikirlər səsləndirən Əli Xamneyinin yarıtmazlığına diqqət çəkərək, xalqın həyatının "dini lider", müşavirləri, hərbi və təhlükəsizlik qüvvələrinin əllərində girov olduğunu, hökumətin də bu istiqamətdə Xamneyinin yolunu getdiyini vurğulayıblar.

 

Onlar Əli Xamneyinin nəzarəti altında fəaliyyət göstərən Milli İnkişaf Fondu, eləcə də digər iqtisadi və maliyyə qurumlarının "Sepah" terror təşkilatının "Qüds Briqadası"na xaricdə aparılan təxribatçı siyasətlərə görə külli miqdarda pul ayırması, lakin hazırda virusun yayılması kimi həyati məsələnin qarşısını almaq üçün xalqa kömək etməməsini kəskin tənqid ediblər.

 

"Nə üçün dini lider, eləcə də onun tapşırıqları ilə hərəkət edən təhlükəsizlik qüvvələri və Məhkəmə Sistemi bütün siyasi məhkumların azadlığa buraxılmasına maneə olurlar? Mövcud şəraitdə belə məlumatların azad yayılmasını təşkil edən şəxsləri həbs etməyə də davam edirlər?", - deyə fəallar rejimin qurumlarına sual ünvanlayıblar.

 

Qeyd etmək lazımdır ki, prezident Həsən Ruhani martın 26-da Hökumət Kabinetinin iclasında etdiyi çıxışda bildirmişdi ki, koronavirusun qarşısını almaq üçün lazımi qədər valyuta ehtiyatlarının olmamasına görə, Milli İnkişaf Fondundan dövlətə 1 milyard dollar ayrılması üçün "dini lider"ə müraciət edib. Lakin Əli Xamneyi bu günə qədər onun istəyinə cavab verməyib.

 

Yanvar ayının 2-dən 3-nə keçən gecə "Qüds Briqadası"nın komandanı Qasım Süleymaninin Amerika tərəfindən Bağdad hava limanı yaxınlığında öldürülməsindən sonra İran Milli Məclisinin spikeri Əli Laricani "dini lider" Əli Xamneyinin icazəsi ilə Milli İnkişaf Fondundan "Qüds Briqadası"nın büdcəsinə 300 milyon avro məbləğinda pul köçürüldüyünü bəyan etmişdi.

 

Bəyanatın sonunda fəallar qeyd ediblər ki, ən kiçik etirazları belə sərt şəkildə və qısa müddətdə yatıran hökumətin koronavirusun qarşısını almaq üçün insanların şəhər daxili və xaricində çölə çıxmamasını "təmin edə bilməməsi" düşündürücüdür.

 

Qeyd etmək lazımdır ki, Novruz bayramı günlərində İranın koronavirusun yayıldığı əyalətlərindən digər bölgələrə milyonlarla insan səyahətə getmişdi. Səhiyyə mütəxəssisləri bildirilər ki, dövlətin səfərləri qadağan etməməsi gələcək günlərdə on minlərlə insanın bu xəstəliyə tutulmasına səbəb olacaq.

 

Ə.A

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Post | Gunaz article social
فرید سرهنگی

2020-05-28

صفویان که بیشتر از ترک بودنشان به شیعه بودنشان می بالیدند برای این که در مقابل امپراطوری عثمانی قد علم کنند به مرثیه سرایی به سبک شاعران شعوبیه فارس ها مانند فردوسی پرداختند واز همین رو پان ایرانیسم(پان فارسیسم)در ایران خراب شده به وجود آمد. قابل توجه جناب احمد اوبالی که از صفویان ترک هایی قهرمان ساخته!

Şərh Yaz
gun az article

İranın Xuzistan əyalətində qadınların boksla məşğul olması qadağan edilib

2020-06-01

gun az article

İranın Şuştər şəhərində 30-a yaxın ərəb fəalı həbs edilib

2020-05-31

gun az article

İranda daha 63 nəfər koronavirusdan ölüb, 2516 nəfər xəstəliyə tutulub

2020-05-31

gun az article

Xuzistanın 20 şəhərində koronavirusla bağlı vəziyyət böhranlıdır

2020-05-31

gun az article

İranın Yəzd şəhərində daha 2 bəhai həbs edilib

2020-05-31

gun az article

Edama məhkum edilən güney azərbaycanlı həkimin son vəziyyəti

2020-05-31

gun az article

GünazTV May.30.2020: 7 milyon 600 min iranlı Qəbiristanlıqlar ətrafında yaşayır

2020-05-30

gun az article

İranda koronavirusa yoluxan və ölənlərin sayı yenidən artıb

2020-05-30

gun az article

İran rejiminin təhlükəsizlik qüvvələri noyabr etirazlarında öldürdükləri Puya Bəxtiyarinin qəbrini təhqir ediblər

2020-05-30

gun az article

İranda bütün məscidlər açılıb, "mall"lara qoyulan qadağalar aradan qaldırılıb

2020-05-30

gun az article

Ağ Evdən Xamneyinin statuslarına reaksiya: "Twitterin terroristlər və diktatorların mesajları ilə problemi yoxdur"

2020-05-29

gun az article

İran işğalçı Ermənistan rejimi ilə ticari əlaqələri daha da genişləndirir

2020-05-29

gun az article

İlam əyalətində koronavirusa yoluxanların sayı 961 nəfərə çatıb

2020-05-29

gun az article

Küveyt Amerikadan 84 ədəd Patriot raketi alır

2020-05-29

gun az article

GünazTV May.29.2020: İçməli su böhranı və müharibədən daha çətin olan vəziyyət

2020-05-29

gun az article

İranın 4-cü tankeri Venesuelaya çatıb

2020-05-29

gun az article

İranda daha 50 nəfər koronavirusdan ölüb, 2819 nəfər isə xəstəliyə yoluxub

2020-05-29

gun az article

İranın Dehdəşt şəhərində zəlzələ baş verib

2020-05-29

gun az article

İran parlamentinin keçmiş spikeri Əli Laricani iki yeni posta təyin edilib

2020-05-29

gun az article

İranla Hindistan arasında ticari dövriyyə əhəmiyyətli dərəcədə azalıb

2020-05-29