İranlı deputat: “Ölkə qadınları arasında QİÇS (AİDS) xəstəliyi sürətlə artmaqdadır”

İranlı deputat: “Ölkə qadınları arasında QİÇS (AİDS) xəstəliyi sürətlə artmaqdadır”

GünAzTV: İran parlamentinin səhiyyə və müalicə komissiyasının üzvü Homayun Haşimi sentyabrın 11-də jurnalistlərə açıqlamasında ölkədə QİÇS xəstəliyinin sürətlə yayılmasından danışıb.

 

Homayun Haşimi bildirib ki, cari ilin aprel və may aylarının (1396-cı ilin ilk ayları) statistik rəqəmləri göstərir ki, əvvəlki illərlə müqayisədə ölkə qadınlarının QİÇS (AİDS) xəstəliyinə yoluxması kimi hallar geniş vüsət alıb: “Hazırda ölkədə 66 min 500 nəfərin QİÇS-ə yoluxduğu təxmin edilir. Lakin onlardan yalnız 35 min nəfərinin kimliyini müəyyənləşdirmək mümkün olub. Həmin şəxslərin  84 faizini kişilər, 16 faizini isə qadınlar təşkil edir. Xəstəliyə yoluxanların yaş həddi isə 21-35 yaşları arasındadır. QİÇS-in geniş yayıldığı yerlər isə paytaxt Tehran və digər iri şəhərlərdir. Statistik rəqəmlər isə iranlı qadınlar arasında bu xəstəliyin gündən-günə artmasından xəbər verir.

 

Mütəxəssislərin bildirdiyinə görə, İranda QİÇS-in sürətlə yayılmasının əsas iki səbəbi var. Onlardan biri qorunmamış cinsi əlaqə, digəri isə narkomanların başqaları tərəfindən istifadə edilmiş iynələrdən və bir sözlə ümumi iynələrdən faydalanmasıdır”.

 

A.M


HƏMÇİNİN OXUYUN

HƏMÇİNİN OXUYUN