İranlı nazir: “Ruhani 23 milyon səslə seçkilərin qalibi olub”

İranlı nazir: “Ruhani 23 milyon səslə seçkilərin qalibi olub”

GünAzTV: İranın daxili işlər naziri Əbdülrza Rəhmani Fəzli mayın 20-də jurnalistlərə açıqlamasında ölkədə keçirilmiş prezident seçkilərinin rəsmi yekun nəticələrini açıqlayıb.

 

Əbdülrza Rəhmani Fəzli bildirib ki, Həsən Ruhani səslərin 57 faizini qazanaraq yenidən İranın prezideni seçilib: “Ruhani, seçicilərin sandıqlara saldığı 41 milyon 22 min 131 səsdən, 23 milyon 549 min 16 səs qazanaraq seçkilərin qalibi olub.

 

Həmçinin, Ruhaninin əsas rəqibi sayılan İbrahim Rəisi 15 milyon 786 min 449 səslə ikinci, Mustafa Mirsəlim 478 min 215 səslə üçüncü, Mustafa Haşimi Təba isə 219 min 450 səslə dördüncü olub”.

 

Mayın 19-da İranda 12-ci prezident seçkiləri keçirilib.  Seçkilərdə dörd namizəd, Həsən Ruhani, İbrahim Rəisi, Mustafa Mirsəlim və Mustafa Haşimi Təba bir-biri ilə rəqabət aparıb. Əsas rəqabət isə, iki namizəd arasında, yəni islahatçıların dəstəklədiyi Həsən Ruhani və dini lider Əli Xamneyinin yaxın adamı kimi tanınan məşhur cəllad, İbrahim Rəisi arasında aparılıb.

A.M


HƏMÇİNİN OXUYUN

HƏMÇİNİN OXUYUN