İsrailin Dəməşq hava limanına qarşı raket hücumunda İranın silah anbarı məhv edilib

İsrailin Dəməşq hava limanına qarşı raket hücumunda İranın silah anbarı məhv edilib

GünAzTV: İsrailin Dəməşqin beynəlxalq hava limanına qarşı həyata keçirdiyi raket hücumunda İranın Suriyadakı hərbi qüvvələrinə və “Hizbullah” qruplaşmasına məxsus silah anbarı məhv edilib.

 

Mərkəzi qərargahı Londonda olan Suriyada İnsan Hüquqlarına Nəzarət Təşkilatının rəhbəri Rami Əbdülrəhman olaydan az sonra jurnalistlərə açıqlamasında bildirib ki, sentyabrın 15-i axşam saatlarında həyata keçirilən raket hücumunda, İrandan yenicə Dəməşqin hava limanına daşınmış silahlar hədəfə alınıb. Hücumda, Dəməşqin hava limanına və ondakı silah anbarına 4 raket atıldığı bildirilsə də, raket zərbələri nəticəsində hər hansı bir insan tələfatının olub-olmaması barədə məlumat yayılmayıb.

 

Suriya rəsmiləri isə hadisə ilə bağlı bəyanat yayaraq, İsailin Dəməşq hava limanına atdığı raketlərdən ikisini səmada vurduqlarını bildiriblər.

 

A.M


HƏMÇİNİN OXUYUN

HƏMÇİNİN OXUYUN