Mahmud Sadiqi: "Ruhani koronavirusla bağlı məkrli plan xülyalarına qapılıb"

2020-03-24 16:58

GünAz TV: İran Milli Məclisinin deputatı Mahmud Sadiqi prezident Həsən Ruhani "Amerikanın məkrli plan" həyata keçirməsi təxəyyülünə qapılmaqda ittiham edib.

 

O bildirib ki, bu səbəbdən prezident dövlət idarələrində tətil müddətinin uzadılması və koronavirusun daha da yayılmasının qarşısının alınmasına maneə olur.

 

"Tehranın Koronavirusla Mübarizə üzrə Milli Qərargahı dövlət idarələrində tətil müddətinin uzadılmasını istəyir. Prezident düşmənin iqtisadiyyata zərər vurmaq üçün məkrli plan həyata keçirdiyinə dair təxəyyülə qapılmaqla, tətil müddətinin uzadılmasına razılıq vermir", - deyə deputat "Twitter"də yazıb.

 

Bu istiqamətdə digər millət vəkili Ədbülkərim Hüseynzadə spiker Əli Laricaniyə məktub ünvanlayaraq, dövlətin koronavirusun qarşısını almaq üçün ölkənin bütün bölgələrində tətil və karantin etmək istəmədiyini əsas gətirib, Parlamentin məsələyə qarışmasını tələb edib. O, pandemiyanın qarşısını almaq üçün Milli Məclisi ölkənin bütün bölgələrində 30 gün müddətində karantin elan etməyə, lazım gəldiyi təqdirdə, bu müddət bitəndən sonra həmin müddəti 1 ay uzatmağa çağırıb.

 

Xatırladaq ki, Həsən Ruhani martın 21-də keçirilən Hökumət Kabinetinin iclasında ölkədə koronavirusun yayılmasını "düşmənin inqilab əleyhinə məkrli planları" ilə əlaqələndirmişdi.

 

"İnqilab əleyhinə məkrli plan koronavirusun İranda yayıldığı müddət ərzində bütün işlər və iqtisadi fəaliyyətin dayanmasından ibarətdir. Bu planla mübarizə istiqamətində istehsalat adi qaydada işləməyə davam etməlidir", - deyə Ruhani əlavə etmişdi.

 

O, bu iddialarına dair heç bir dəlil irəli sürməmiş və detalları açıqlamamışdı.

 

İran prezidenti koronavirusun ölkəni cənginə aldığı ilk günlərdən şəhərlərin karantinə alınması, səfərlərin qadağan edilməsi, müxtəlif təhsil və iş müəssisələrində tətillərin elan edilməsi kimi qabaqlayıcı tədbirlərə qarşı çıxır. Hansı ki, koronavirusun yayıldığı bütün ölkələr vətəndaşlarını qorumaq üçün bu cür proflaktik tədbirlər görürlər.

 

Bununla belə, Ruhani bu gün iştirak etdiyi Koronavirusla Mübarizə üzrə Milli Qərargahın iclasında ölkədə iş yerlərinə tətbiq edilmiş tətillərin, eləcə də kütləvi toplaşma ilə bağlı məhdudiyyətlərin daha 10 gün müddətinə uzadıldığını bəyan edib. O, Novruz tətili günlərində digər bölgələrə səfərə gedən şəxslərin öz yaşadıqları şəhərlərə qayıdan zaman yolda yoxlamalardan keçirilməyəcəyini bildirib. Ruhaninin sözlərinə görə, bu, yollarda böyük tıxaclara səbəb olacağından, səfərə getmiş şəxslərlə evlərinə döndükdən sonra telefon əlaqəsi yaradılacaq və onlardan vəziyyətləri ilə bağlı suallar soruşulacaq.

 

Novruz bayramı münasibətilə paytaxt Tehran başda olmaqla, bir çox şəhərlərin əhalisi digər bölgələrə səfərlər ediblər. Koronavirusla Mübarizə üzrə Milli Qərargahın rəsmiləri bunun virusun daha da çox yayılmasına bais olacağını bildirirlər.

 

Ə.A

 

 

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Azərbaycanın rayonlarına dolu düşüb, şimşək çaxıb

2021-09-17

gun az article

Deputatlar azad edilmiş ərazilərdəki ekoloji vəziyyəti təhlil edəcəklər

2021-09-17

gun az article

Kölndə Azərbaycan dilinin tədrisinə başlanılıb

2021-09-17

gun az article

Səid Xətibzadə: “Böyük Tonb, Kiçik Tonb və Əbu Musa adaları İran məxsusdur”

2021-09-17

gun az article

Şuşada qəzaya düşən hərbçi vəfat edib

2021-09-17

gun az article

“Arşın mal alan” Çində çin dilində tamaşaya qoyulub – VİDEO

2021-09-17

gun az article

İran rəsmən Şanxay Əməkdaşlıq Təşkilatına üzv seçilib

2021-09-17

gun az article

Ceyhun Bayramov: "Azərbaycan BMT ilə əməkdaşlığa əhəmiyyət verir"

2021-09-17

gun az article

Şuşanın "Türk dünyasının mədəniyyət paytaxtı"na namizədliyi təqdim edilib

2021-09-17

gun az article

İran rəsmisi: “Ərak ağır su reaktoru ən qısa zamanda istifadəyə hazır olmalıdır”

2021-09-17

gun az article

"Son hadisələr İranla Ermənistanın birgə oyunudur, aramıza nifaq salmaq istəyirlər”- Araz Obalı

2021-09-17

gun az article

İranın Rəcayişəhr zindanında daha 5 məhkum edam edilib.

2021-09-17

gun az article

Avropa İttifaqının Cənubi Qafqaz üzrə xüsusi nümayəndəsi Ağdama gedir

2021-09-17

gun az article

Bakının işğaldan azad edilməsinin 103-cü ildönümü Ağrıdağa yürüşlə qeyd edilib

2021-09-17

gun az article

İran rəsmisi: “İbrahim Rəisi BMT-nin Baş Assambleyasında çıxış edəcək”

2021-09-17

gun az article

İranın “Hizbullah”a göndərdiyi yanacaq karvanı Livana daxil olub

2021-09-17

gun az article

Zaxarova: "Regionda nəqliyyat yollarını açmaq üçün səylərimiz davam edəcək"

2021-09-16

gun az article

İbrahim Rəisi: “İranın qonşu və region ölkələri ilə əlaqələri hökumətimizin prioritet məsələsidir”

2021-09-16

gun az article

QHT-lərin fəaliyyətini tənzimləyən qanunlara dəyişiklik ediləcək

2021-09-16

gun az article

Ermənistan Prezidenti Fransaya gedib

2021-09-16