Molla hakimiyyətinə qarşı etirazlar davam edir. Tehran, Şiraz və Kazerunda on minlərlə insan küçələrə axışaraq etiraz yürüşü keçirib – FOTOLAR və VİDEOLAR

Molla hakimiyyətinə qarşı etirazlar davam edir. Tehran, Şiraz və Kazerunda on minlərlə insan küçələrə axışaraq etiraz yürüşü keçirib – FOTOLAR və VİDEOLAR

GünAzTV: İranda ölkə əhalisinin ağır güzəranına, bahalığa, milli valyutanın dəyərdən düşməsinə və rejimin daxili və xarici siyasətinə qarşı kütləvi etirazlar davam edir.

 

Avqustun 5-i axşam saatlarında, paytaxt Tehranda, eləcə də Şiraz və Kazerunda  on minlərlə insan küçələrə axışaraq hakimiyyətin narazı əhaliyə qarşı qəddarlığına, ölkənin ağır iqtisadi durumuna qarşı şüarlar səsləndiriblər.

 

Gecə saatlarında Tehranın “Şəhər teatrı” yaxınlığında toplaşan minlərlə etirazçı, rejimin dinc etirazçılara qarşı zorakılığa əl atmasına etiraz bildirərək, “Diktatora ölüm” və “Bişərəf, bişərəf”  şüarları səsləndiriblər. Məlumata əsasən, etirazçılar polisin aksiyaçılara qarşı gözyaşardıcı qazdan istifadə etməsinə cavab olaraq, bir neçə zibil yeşiyinə od vurublar. Qarşıdurma nəticəsində onlarla gənc tutularaq naməlum istiqamətə aparılıb.

 

Şirazın mərkəzi küçələrində isə on minlərlə insan “Diktatora ölüm”, “Xamneyiyə ölüm” və “Top, tank, fişfişədən qorxmuruq, rədd olsun axundlar” şüarı səsləndirərək, ölkə əhalisini ağır iqtisadi vəziyyətdə saxladıqlarına görə hakimiyyətə və onun başçılarına etiraz bildiriblər.

 

Kazerunda isə on minlərlə insan küçə və meydanlara toplaşaraq dinc etirazçılara qarşı zorakılıq nümayiş etdirən hüquq-mühafizə qüvvələrinə etiraz bildiriblər. “Diktatora ölüm”, “Bişərəf, bişərəf” və “Qadınlar bizə qoşulduğu bir halda, biqeyrətlər kənarda durub baxır” şüarları səsləndirən etirazçılar, insanları mürtəce axund hakimiyyətinin zülmünə qarşı birgə mübarizəyə çağırıblar.

 

Hər üç şəhərdə keçirilən kütləvi etirazlarda, onlarla gənc qadın və kişi polis və mülki geyimli təhlükəsizlik qüvvələri tərəfindən tutularaq, vəhşicəsinə döyüldükdən sonra naməlum istiqamətə aparılıb.

 

 

 

 

VİDEOLAR:

 

 

 

 

 

 

 

 A.M    


HƏMÇİNİN OXUYUN

HƏMÇİNİN OXUYUN