Polşa Xarici İşlər Nazirliyi “twitter”də Zərifə reaksiya verib

Polşa Xarici İşlər Nazirliyi “twitter”də Zərifə reaksiya verib

GünAz TV: Polşa Xarici İşlər Nazirliyi “twitter”də İran xarici işlər naziri Məhəmmədcavad Zərifin sözlərinə reaksiyasında bildirib ki, “bu gün Varşavada bir nəfər də olsun terrorist yoxdur”.

 

Zərif fevralın 13-ü İranın Xaş bölgəsində “Sepah”a qarşı baş tutmuş kamikadze hücumuna işarə edərək, öz şəxsi “twitter” hesabında yazmışdı ki, “İranın düz Varşava sirki keçirilən gün terror hücumuna məruz qalması təsadüf hesab edilə bilər? Xüsusilə də o terroristlərin dostları Varşava küçələrində bunu bayram etdiyi və twitter botları vasitəsi ilə bu terror aktını dəstəklədiyi halda. Görünür ki, Amerika əvvəlki səhvlərini davam etdirir, amma fərqli nəticələr gözləyərək”.

 

Polşa XİN bu statusdan bir neçə saat sonra Zərifin ittihamlarına cavab verib: “Polşa terrorizmin hər bir formasını qınayır. Bizim Xaş- Zahidan yolunda baş vermiş hücuma münasibətimiz də həmişəki siyasətimizdən, yəni “zorakılığa yox” yanaşmasında fərqli ola bilməz. Bu gün Varşavada heç bir torrorist yoxdur, əksinə, bizim ölkədə demokratiya, ifadə azadlığı və birlik hökm sürür”- deyə rəsmi Varşavanın Zərifin sözlərinə münasibətindəq qeyd edilir.

 

Xatırladaq ki, fevralın 13-ü axşam saatlarında İranın Sistan-Bəlucistan əyalətində “Sepah”ın sərhəd qüvvələrini daşıyan avtobusa qarşı intihar hücumunda ən azı 27 “Sepah”çı həlak olub, 13-ü yaralanıb. Hadisədən qısa müddət sonra Zərif öz şəxsi “twitter” səhifəsində yazdığı yazı ilə Qərbi bu hücuma görə “günahkar” sayıb.

 

Ə.A


HƏMÇİNİN OXUYUN

HƏMÇİNİN OXUYUN