Rəsmi Tehranın sözçüsü Azərbaycan prezidentinin Ər-Riyad Sammitinə qatılması ilə bağlı sualı cavablandırıb

Rəsmi Tehranın sözçüsü Azərbaycan prezidentinin Ər-Riyad Sammitinə qatılması ilə bağlı sualı cavablandırıb

GünAzTV: İran Xarici İşlər Nazirliyinin sözçüsü Bəhram Qasimi mayın 29-da jurnalistlərlə görüşündə Azərbaycan Respublikasının prezidenti İlham Əliyevin bir neçə gün əvvəl Səudiyyə Ərəbistanı Krallığının paytaxtı Ər-Riyadda keçirilən Ərəb-İslam-Amerika Sammitinə qatılması ilə bağlı bir sualı cavablandırıb.

 

Bəhram Qasimi, jurnalistlərdən birinin ona verdiyi “İran İslam Respublikasının Azərbaycan Respublikası prezidentinin Ər-Riyad Sammitinə qatılması və onun həmin sammitdən məmnun qaldığını bildirərək Tehranla münasibətdə ikiyönlü mövqe nümayiş etdirməsi barədə nəzəri nədir” sualını belə cavablandırıb: “Dünya ölkələrinin başçıları istədikləri sammitə qatıla bilərlər və biz başqalarının müxtəlif sammitlərə qatılmasına mane deyilik. Onlar istədikləri yerlərə gedib gələ bilərlər. Bu onların öz işidir.

 

Lakin bizim üçün əsas meyar, əməldə gördüklərimizdir. Biz məhz əməldə şahidi olduğumuz nəsnəni (nəyisə) əsas götürərək qərarımızı veririk.  Kütləvi informasiya vasitlərində yayılan məlumatlar isə bəzi hallarda həqiqəti əks etdirməyə bilər.

 

İranla Azərbaycan Respublikasının bir-biri ilə yaxşı əlaqələri var. Ümid edirik ki, iki ölkə bir-biri qarşısında qonşuluq borcunu ən layiqli şəkildə yerinə yetirərək ölkələrimizin inkişafda olan qarşılıqlı əlaqələrini gələcəkdə də davam etdirəcəklər”.

A.M


HƏMÇİNİN OXUYUN

HƏMÇİNİN OXUYUN