Rusiya Suriyada daimi qoşun qruplaşması yaradır

Rusiya Suriyada daimi qoşun qruplaşması yaradır

GünAz TV: Rusiya Suriya ərazisində - Tartus və Hmeymim bazalarında daimi qoşun qruplaşmasının formalaşdırılması prosesinə başlayıb.

 

"RİA Novosti"nin yaydığı məlumatda bildirilir ki, bunu Rusiyanın müdafiə naziri Sergey Şoyqu keçirdiyi müşavirədə deyib. O, ötən həftə ali baş komandanın Tartus və Hmeymim bazalarının strukturunu və ştatını təsdiqlədiyini söyləyib.

 

Nazir bu barədə müqavilələrin ratifikasiyasına görə parlamentə təşəkkür edib.

 

Qeyd edək ki, bu gün Rusiya Federasiya Şurası Tartusdakı material-texniki təminat məntəqəsinin hərbi dəniz bazasına çevrilməsini nəzərdə tutan sənədə baxıb. Sənəd Rusiya hərbi gəmilərinin Suriya limanlarına daxil olması qaydalarını, onların qeydiyyatını və hərbi texnikanın yerləşdirilməsini nəzərdə tutulur. Tartusda atom gəmiləri də daxil olmaqla, eyni anda 11 gəminin yerləşdirilməsi mümkün olacaq. Hərbi bazanın genişləndirilməsinə ildə 3,2 milyard rubl xərclənməsi nəzərdə tutulub. APA

N.S


HƏMÇİNİN OXUYUN

HƏMÇİNİN OXUYUN