“Sepah”: “Bizim ölkə sərhədlərindən kənarda hər hansı bir hərbi əməliyyat keçirməyə planımız yoxdur”

“Sepah”: “Bizim ölkə sərhədlərindən kənarda hər hansı bir hərbi əməliyyat keçirməyə planımız yoxdur”

GünAzTV: İran İnqilab Keşikçiləri Korpusu “Sepah” avqustun 22-də bəyanat yayaraq Türkiyə prezidenti Rəcəb Tayyib Ərdoğanın iki gün əvvəl İranla kürd qruplaşmalarına birgə əməliyyat keçirilməsi ilə bağlı bəyanatına reaksiya verib.

 

Türkiyə prezidenti avqustun 21-də jurnalistlərə açıqlamasında İran Silahlı Qüvvələrinin Baş Qərargah rəisi general Məhəmməd Bağirinin ötən həftə bu ölkəyə səfərinə toxunaraq onunla görüşdə, terrorçu PKK təşkilatına və onun İran qanadı sayılan “Pjak”a qarşı birgə əməliyyata başlanılmasının vacibliyi barədə danışıqlar apardıqlarını bildirmişdi.

 

“Sepah”ın quru qüvvələrinin “Həmzə” qərargahı avqustun 22-də məsələ ilə bağlı bəyanat yayaraq bildirib ki, İranın indiki şəraitdə ölkə sərhədlərindən kənarda hər hansı bir hərbi əməliyyata qoşulmaq niyyəti yoxdur: “Bizim ölkə sərhədlərindən kənarda hər hansı bir hərbi əməliyyata başlamağa niyyətimiz və ya planımız yoxdur. Lakin biz keçmişdə olduğu kimi, təxribat törətmək məqsədilə ölkəmizə girməyə çalışan hər hansı bir terrorçu şəxs, dəstə və ya qruplaşmanın qarşısında möhkəm dayanacaq, ona qarşı kəskin cavab verəcəyik”.

 

 

A.M

 


HƏMÇİNİN OXUYUN

HƏMÇİNİN OXUYUN