“Sepah”ın daha 1 əfqanlı muzdlusu Suriyada həlak olub

“Sepah”ın daha 1 əfqanlı muzdlusu Suriyada həlak olub

GünAzTV: İran İnqilab Keşikçiləri Korpusunun “Sepah” daha 1 əfqanlı muzdlusu, Şah Vəli Rzayi Suriyada gedən savaşda həlak olub.

 

Bəşər Əsədə və onun hökumətinə dəstək məqsədilə Suriyaya göndərilən “Sepah”ın muzdlu Əfqanıstan vətəndaşlarından ibarət “Fatimiyyun” biriqadasının üzvü Şah Vəli Rzayi, bir neçə gün əvvəl bu ölkədə gedən döyüşlərdə hökumətə müxalif qüvvələr tərəfindən öldürülüb. Onun Suriyanın konkret hansı bölgəsində öldürüldüyü açıqlanmayıb.

 

Cənazəsi ölkəyə gətirilən “Sepah”çı, martın 17-də İranın Əlbürz əyalətinin Nəzərabad şəhərində torpağa tapşırılıb.

 

 İran, Əsəd rejiminin əsas himayədarlarından biri sayılır. Son illər Suriya hökumətinə yardım məqsədilə bu ölkəyə göndərilən minlərlə “Sepah”çı, Əsədə müxalif qüvvələrin əli ilə öldürülüb. Həlak olanların əksəriyyətini isə İranda qaçqın həyatı yaşayan “Sepah”ın  Əfqanıstan və Pakistan vətəndaşlarından ibarət “Fatimiyyun” və “Zeynəbiyyun” briqadalarının muzdluları təşkil edir.

A.M


HƏMÇİNİN OXUYUN

HƏMÇİNİN OXUYUN