“Sepah”ın daha 1 iranlı muzdlusunun cənazəsi ölkəyə gətirilib

“Sepah”ın daha 1 iranlı muzdlusunun cənazəsi ölkəyə gətirilib

 GünAzTV: “Sepah”ın daha 1 iranlı muzdlusu, Kərim Pərhizqar Suriyada gedən döyüşlərdə  həlak olub.

 

Bəşər Əsəd rejiminə dəstək məqsədilə bir neçə həftə əvvəl İranın Cəhrom şəhərindən Suriyaya göndərilmiş “Sepah”çı, dekabrın 15-də bu ölkənin Əbu Kəmal bölgəsində müxalif qüvvələrə qarşı keçirilmiş hərbi əməliyyatda öldürülüb. Yayılan məlumatlara görə, muzdlu “Sepah”çının cənazəsi dekabrın 16-da ölkyə gətirilib. Onun yaxın günlərdə doğma şəhəri Cəhromda torpağa tapşırılacağı bildirilir.   

 

 

Qeyd edək ki, İran Bəşər Əsəd rejiminin əsas sponsoru və onun mühüm himayədarlarından biri sayılır. Son illər, Suriya hökumətinə yardım məqsədilə bu ölkəyə göndərilmiş minlərlə “Sepah”çı, Əsədə müxalif qüvvələrin əli ilə öldürülüb. Həlak olanların əksəriyyətini isə İranda qaçqın həyatı yaşayan “Sepah”ın  Əfqanıstan və Pakistan vətəndaşlarından ibarət “Fatimiyyun” və “Zeynəbiyyun” briqadalarının muzdluları təşkil edir.

 

A.M

 

 


HƏMÇİNİN OXUYUN

HƏMÇİNİN OXUYUN