Səudiyyə Ərəbistanı İranı bu ölkəyə qarşı hərbi təcavüzdə günahlandırıb

Səudiyyə Ərəbistanı İranı bu ölkəyə qarşı hərbi təcavüzdə günahlandırıb

GünAzTV: Ər-Riyadın başlçılıq etdiyi ərəb ölkələri koalisiyası noyabrın 6-da bəyanat yayaraq İranı Səudiyyə Ərəbistanına qarşı hərbi təcavüzdə günahlandırıb.

 

İranın Yəməndə dəstəklədiyi şiə-husilərin bir neçə gün əvvəl Ər-Riyada atdığı raketə toxunan  ərəb koalisiyasının sözçüsü polkovnik Torki əl Maliki noyabrın 6-da jurnalistlərə açıqlamasında bildirib ki, Səudiyyə Ərəbistanı paytaxtına atılan raketin İranda istehsal edilməsi artıq müəyyən edilib: “İranın bilavasitə rolu, husilərin isə birbaşa komandanlığı ilə Ər-Riyada atılan raket, ölkəmizə qarşı açıq-aşkar bir hərbi təcavüzdür.

 

Bu, həm də qonşu ölkələrin hədəfə alınması, bölgədə  və dünyada sülh və sabitliyə qarşı bir təhdiddir. Ər-Riyada raket atılması, eyni zamanda Səudiyyə Ərəbistanı Krallığına qarşı müharibə elan olunması kimi sayıla bilər. Səudiyyə Ərəbistanının başçılıq etdiyi ərəb koalisiyası baş vermiş olayla əlaqədar münasib bir vaxtda İrana layiqli cavab vermək hüuququnu özündə saxlayır”.

 

Bildirilir ki, husi yaraqlıları Ər-Riyada buraxdıqları raketin mənşəyi ilə bağlı yayılan məlumatları təkzib edərək bildirirlər ki, onların Səudiyyə Ərəbistanı paytaxtına atdığı “Atəşfəşan 1” adlı ballistik raket İranda yox, Yəməndə istehsal edilib.

 

Qeyd edək ki, Ər-Riyadın başçılıq etdiyi ərəb koalisiyasına 9 ölkə, yəni Səudiyyə Ərəbistanı, Birləşmiş Ərəb Əmirlikləri, Bəhreyn, Küveyt, Misir, İordaniya, Mərakeş, Seneqal və Sudan daxildir.

 

A.M

 


HƏMÇİNİN OXUYUN

HƏMÇİNİN OXUYUN