Stiven Mnuçin: “Swift” İran Mərkəzi Bankına xidmətini dayandıracaq”

Stiven Mnuçin: “Swift” İran Mərkəzi Bankına xidmətini dayandıracaq”

 GünAzTV: ABŞ maliyyə naziri Stiven Mnuçin noyabrın 8-də “Twitter” səhifəsində paylaşdığı bir postda, “Swift”in İran Mərkəzi Bankına və Amerikanın sanksiyalarına məruz qalmış İranın digər maliyyə müəssisələrinə xidmətini dayandırmasından xəbər verib.

 

O bildirib ki, İran banklarının “Swift” şəbəkəsi xidmətlərindən tamamilə məhrum ediləcəyindən tam əmindir: “Bilirəm ki, “Swift”, İran Mərkəzi Bankına və bu ölkənin barəsində sanksiya qoyyulmuş digər maliyyə qurumlarına xidmətini dayandıracaq. “Swift”, beynəlxalq maliyyə sisteminin bütövlüyünü qorumaq məqsədilə düzgün bir qərar verməkdədir”.

 

Xatırladaq ki, Ümumdünya Banklararası Maliyyə Telekommunikasiya Cəmiyyəti “Swift”, noyabrın 5-də bəyanat yayaraq, bir çox İran banklarına göstərdiyi xidməti dayandırdığını bildirib.

 

Dünyada pul köçümələri üzrə ən mühüm beynəlxalq şəbəkə sayılan “Swift”in bəyanatında bildirilir ki, bu qurum, beynəlxalq maliyyə sisteminin bütövlüyünü və onun sabitliyini qorumaq məqsədilə bir çox İran banklarının “Swift” sistemi imkanlarından yararlanmasının qarşısını almaq qərarına gəlib. Bəyanatda, “Swift” sisteminin xidmətlərindən məhrum edilən İran banklarının adları açıqlanmayıb.

 

 

Noyabrın 5-dən başlayaraq Amerikanın İrana qarşı sanksiyalarının, o cümlədən də İran neftinin satışına qadağaların icrasına başlanılıb.

 

A.M

 


HƏMÇİNİN OXUYUN

HƏMÇİNİN OXUYUN