Tramp: “İran iqtisadi çətinliklərə görə problemə düşüb. Sanksiyalar öz təsirini göstərib və biz Tehranda danışıqlar aparmağa hazırıq”

Tramp: “İran iqtisadi çətinliklərə görə problemə düşüb. Sanksiyalar öz təsirini göstərib və biz Tehranda danışıqlar aparmağa hazırıq”

GünazTV: ABŞ prezidenti Donald Tramp oktyabrın 16-da Ağ Evdə jurnalistlərlə görüşərək ölkəsinin İrana qarşı tətbiq etdiyi sanksiyalardan və Vaşinqtonun rəsmi Tehranla müzakirə aparmağa hazır olmasından danışıb.

 

Hökumətinin Orta Şərqdə yaşanan çaxnaşma və gərginliyi aradan qaldırmaq üçün yürütdüyü siyasətini müdafiə edən Tramp deyib ki, tətbiq edilən sanksiyalar nəticəsində İranın daxili istehsal həcmi 20-25 faiz azalıb: “İran üzləşdiyi iqtisadi çətinliklərə görə problemə düşüb. Sanksiyalar artıq öz təsirini göstərib və biz Tehranda danışıqlar aparmağa hazırıq.

 

Biz İranla müzakirə aparacağıq. Onlar isə buna meyillidirlər. İrana və onunla ticari əlaqəyə girən ölkələrə qarşı qoyulan sanksiya və tariflər yaxşı nəticə verib. İranın danışıqlar aparıb-aparmayacağını görəcəyik. Danışıqlar aparsalar özləri üçün yaxşı olacaq, aparmasalar da bizim üçün önəmli deyil” –deyə, ABŞ prezidenti Donald Tramp əlavə edib.

 

 

Xatırladaq ki, Amerika prezidenti Donald Tramp 2018-ci il, mayın 8-də Ağ Evdə çıxış edərək Vaşinqtonun İranla Qərb arasında imzalanmış nüvə sazişindən çıxdığını rəsmən elan edib: “İran rejimi terrorizmin əsas himayədarı olaraq qalır. Bu rejim, bölgənin müxtəlif ölkələrinə və terrorçu qruplara raket göndərir, bütün Orta Şərqdə yaşanan çaxnaşma və qarşıdurmaları qızışdırır, od-alov üstünə benzin səpir, “Hizbullah”, “Həmas”, “Taliban” və “Əl-Qaidə” kimi terrorçu qruplaşmalara dəstək verir” –deyə, ABŞ prezidenti Donald Tramp bildirib.

 

A.M


HƏMÇİNİN OXUYUN

HƏMÇİNİN OXUYUN