Tramp: "İranın despot rejimi rəftarını dəyişmədikcə sanksiyalar ləğv edilməyəcək"- FOTO

2019-09-24 23:29

GünAz TV: Amerika Birləşmiş Ştatlarının prezidenti Donald Tramp bu gün Birləşmiş Millətlər Təşkilatının Baş Assambleyasının 74-cü sessiyasında etdiyi çıxışda bildirib ki, İranın despot rejimi ölüm və terrorla məşğuldur.

 

Tramp nüvə razılaşmasından çıxmaqla bağlı verdiyi qərara toxunub və bunun səbəbinin İran rejiminin öz xalqını çapıb-talamaqla, nüvə silahına yiyələnməyə çalışması olduğunu deyib. O, İrana heç vaxt bu istəyinə nail olmağa imkan verməyəcəklərini əlavə edib.

 

ABŞ prezidenti sanksiyaların İrana kəskin şəkildə təsir etdiyini, buna görə də rejimin Səudiyyə Ərəbistanının neft təsisatlarına hücum kimi bir neçə aqressiv addım həyata keçirdiyini, nəticəsində isə İran Mərkəzi Bankına qarşı ən ağır embarqoların qəbul edildiyini deyib.

 

Dünya ölkələrini rəsmi Tehrana qarşı qəbul edilmiş sanksiyaları daha da kəskinləşdirməyə çağıran Tramp həmçinin hər kəsdən İran hökumətinin qan tökmək üzərində qurulan siyasətlərinə dəstək göstərməməyi istəyib.

 

"Hər bir ölkə addım atmağa borcludur. Heç bir ölkə ya rəsmi qan tökməyə susamış İran rəsmilərinə dəstək nümayiş etdirməməlidir. İran rəftarını dəyişmədiyi müddətdə sanksiyalar qaldırılmayacaq, əksinə, daha da şiddətləndiriləcək"- deyə ABŞ prezidenti əlavə edib.

 

Tramp həmçinin İran xalqının öz ölkəsində və digər ölkələrdə insanları qətliam edən deyil, kasıblığı aradan qaldıran və rüşvətin kökünü kəsən dövlətə ehtiyacı olduğunu vurğulayıb.

 

O, İran rejiminin anti-Amerika və İsrail münasibətinə, bu iki ölkəyə "ölüm" arzulamasının da qəbuledilməz olduğunu bildirib.

 

Tramp sonda bir daha vurğulayıb ki, ölkəsi müharibə etmək istəmir, İranla mövcud problemləri danışıqlar və sülh yolu ilə həll edib, normal münasibətlər qurmağa çalışır. O, Vaşinqtonun Əfqanıstanda da gözəl gələcək qurulması üçün səy göstərdiyini, lakin Taliban terror təşkilatının buna arxa çevirərək, vəhşi hücumlara davam etdiyini bildirib.

 

Xatırladaq ki, ABŞ 2018-ci ilin may ayının 8-də Hərtərəfli Birgə Fəaliyyət Planı adlandırılan nüvə razılaşmasından çıxmaqla, Tehrana qarşı maksimum təzyiq siyasətinə start verib. Amerikalı rəsmilər bildirirlər ki, buna səbəb İranın nüvə və raket proqramı, terrorist qruplaşmalara göstərdiyi dəstək, region ölkələrinin daxili işlərinə qarışmaq və digər bu kimi amillərdir. Həmin tarixdən etibarən 2 ölkə arasında gərginliklər pik həddə çatıb.

 

Səudiyyənin neft təsisatlarına edilmiş hücum

 

İrana qarşı sanksiyaların şiddətlənməsi, "Sepah"ın terror təşkilatları siyahısına salınması, "dini lider" Əli Xamneyi və xarici işlər naziri Məhəmməd Cavad Zərifə qarşı sanksiyalar qəbul edilməsi, İranın neft müştərilərindən 8 ölkəyə verilmiş möhlət hüququnun cari ilin may ayının 2-də dayandırılması, iki ölkənin qarşılıqlı olaraq bir-birinin pilotsuz uçan aparatını vurması, körfəzdə xarici dövlətlərə məxsus tankerlərə hücum, ABŞ-ın körfəzdə gəmiçiliyin təhlükəsizliyi üçün beynəlxalq koalisiya qurmağı planlaşdıırması və Səudiyyə Ərəbistanının 2 böyük neft təsisatına qarşı baş tutmuş hücum Vaşinqtonun nüvə razılaşmasından çıxmasından ötən təqribən 16 aylıq müddətdə baş verən əsas hadisələrdir.

 

 

ABŞ ilkin olaraq İranla yenidən razılaşma əldə etmək istiqamətində danışıqların başladılması üçün 12 şərt irəli sürmüşdü. Bunlar içərisində İranı nüvə və raket proqramlarını dayndırmağa, eləcə də regionda qeyri- stabillik yaradan siyasətlərdən əl çəkməyə çağıran müddəalar da var idi. Lakin hazırda Vaşinqton heç bir şərt irəli sürmədən, danışıqlara başlamağa hazır olduğunu bəyan edir. 

 

Digər tərəfdən, sanksiyalar nəticəsində İran iqtisadiyyatı iflic vəziyyətə düşüb. Hətta bəzi aylarda ət də daxil olmaqla, ölkədə müxtəlif qida məhsulları tapılmaz hala gəlmişdi. Sanksiyaların tətbiq edilməsindən öncəyə nisbətən İran riyalı öz dəyərini təxminən 70%-ə qədər itirib. Ölkənin daşınmaz əmlak bazarında qiymətlər on dəfələrlə artdığından, mənzillər sahibsiz qalıb. Neft satışı günlük 2.6 milyon bareldən 120 min barelə qədər enib. Bütün bunların nəticəsində ötən aylar ərzində dəfələrlə müəllimlər, fəhlələr və digər kateqoriyadan olan insanlar əməkhaqlarının ödənməməsi və ağır məişət şəraitinə görə etiraz aksiyaları keçiriblər. Hazırda bu aksiyaların bəziləri davam etməkdədir. 

 

Ə.A

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Bu gün İran və Ermənistanın da iştirakı ilə "Qafqaz-2020" hərbi manverləri başlayır

2020-09-21

gun az article

İranda daha 177 nəfər koronavirusdan vəfat edib

2020-09-21

gun az article

İrandan Ermənistana İsraildə səfirlik açması ilə bağlı "yumşaq" münasibət, Azərbaycana xəbərdarlıq - FOTO

2020-09-21

gun az article

İranın "Xatəmül-Ənbiya Qərargahı" paytaxtın Tehrandan köçürülməsi ilə bağlı Ruhaniyə müraciət edib

2020-09-21

gun az article

Pompeo Avropanın İrana qarşı fəaliyyətsizliyini pisləyib

2020-09-21

gun az article

İranda dolların məzənnəsi yeni rekord həddə yüksəlib: 27 300 tümən

2020-09-20

gun az article

Fars əyalətində daha 12 ölüm halı ilə koronavirusdan ölənlərin sayı 937 nəfərə çatıb

2020-09-20

gun az article

Qum əyalətində daha 204 nəfər xəstəxanalara yerləşdirilib, 10 nəfər koronavirusdan ölüb

2020-09-20

gun az article

Azərbaycanda koronavirus infeksiyasından daha 154 nəfər sağalıb, 146 yoluxma faktı qeydə alınıb

2020-09-20

gun az article

Amerika BMT-nin İrana qarşı bütün sanksiyalarını qaytaran tətik mexanizmini işə salıb

2020-09-20

gun az article

İranda daha 183 nəfər koronavirusdan vəfat edib, 3097 yeni növ “Covid-19”a yoluxma halı aşkarlanıb

2020-09-20

gun az article

GünazTV Sep.19.2020 :"Aprelə qədər Amerika xalqına vaksin çatacaq"

2020-09-19

gun az article

Altı senator Trampdan İranın bütün maliyyə sektoruna sanksiya tətbiq etməsini istəyib

2020-09-19

gun az article

Ermənilər Tovuzun Ağdam kəndini yenidən atəşə tutublar

2020-09-19

gun az article

İranda koronavirusdan vəfat edənlərin sayı 24 min nəfəri keçib

2020-09-19

gun az article

Nəsrin Sütudə həbsxanadan xəstəxanaya köçürülüb

2020-09-19

gun az article

İran- İraq sərhədində Kərbəlaya getmək istəyənlərlə hərbçilər arasında toqquşma olub

2020-09-19

gun az article

Koronavirusa rəğmən, Tehran əyalətində cümə namazı qılınıb

2020-09-19

gun az article

GünazTV Sep.18.2020: “Amerika Birləşmiş Ştatları İranla bağlı siyasətinin yeni mərhələsindədir!”

2020-09-18

gun az article

Kirman əyalətində koronavirusdan ölənlərin sayı 800 nəfəri ötüb

2020-09-18