Trampdan Suriya, Rusiya və İrana: “Dərhal İdlibdəki vəhşi qətliamı dayandırın!”- Foto

Trampdan Suriya, Rusiya və İrana: “Dərhal İdlibdəki vəhşi qətliamı dayandırın!”- Foto

GünAz TV: Amerika Birləşmiş Ştatlarının prezidenti Donald Tramp Suriya, Rusiya və İrandan İdlib vilayətində həyata keçirdikləri son qətliamları dayandırmağı tələb edib.

 

Tramp ağır bombardımanlar nəticəsində ölənlərin əksəriyyətinin sivil əhali olduğuna görə böyük təssüf keçirdiyini bildirib.

 

“Suriya, Rusiya və müəyyən qədər də İranın İdlibdə sivil əhalini vəhşi qətliama məruz qoyması barədə xəbərlər eşidirik. Yaşayış məntəqələrində hərbçilər və sivil əhali arasında fərq qoymadan, hər kəsi bombalayan bu ölkələr çoxlu sayda günahsız sivil vətəndaşı qətlə yetiriblər. Dünya isə bu halı müşahidə etməklə məşğuldur. Bu qətliamlardan əlinizə nə keçir? Dərhal bunu dayandırın”- deyə Trampın Londona səfər etməzdən əvvəl öz “Twitter” hesabında yazdığı statusunda deyilir.

 

 

Qeyd etmək lazımdır ki, Suriya, Rusiya və İranın hərbi birləşmələri son həftələr ərzində İdlib vilayətini tamamilə, eləcə də Həma, Hələb və Əl-Laziqiyyə vilayətlərinin böyük hissəsini bombardıman edirlər. Bu bombardımanlar nəticəsində uşaqlar, qadınlar və qocalar da daxil olmaqla, yüzlərlə sivil əhali ölüb.

 

 

Ötən günlər ərzində bir çox insan haqları təşkilatı beynəlxalq ictimaiyyəti bu qətliamların qarşısında səssiz dayandığına görə tənqid edib.

 

Ə.A


HƏMÇİNİN OXUYUN

HƏMÇİNİN OXUYUN