Türkiyə prezidenti Rəcəb Tayyib Ərdoğan bu gün İrana rəsmi səfərə gedir

Türkiyə prezidenti Rəcəb Tayyib Ərdoğan bu gün İrana rəsmi səfərə gedir

GünAzTV: Oktyabrın 4-də Türkiyə prezidenti Rəcəb Tayyib Ərdoğan iranlı həmarının dəvəti ilə Tehrana rəsmi səfərə gedir. Səfərdə Ərdoğanı Türkiyənin bir sıra yüksək rütbəli rəsmiləri müşayiət edəcək.

 

Səfər zamanı Türkiyə prezidenti iranlı həmkarı Həsən Ruhani, İranın dini lideri Əli Xamneyi və digər İran rəsmiləri ilə görüşəcək. İki ölkə rəhbərlərinin görüşündə İran-Türkiyə arasındakı qarşılıqlı münasibətlərin gücləndirilməsi, birgə hərbi əməkdaşlıq, regiondakı son durum, eləcə də İraq Kürdistanında keçirilmiş referendum məsələsi müzakirə ediləcək. Səfərin detalları haqda hləlik hər hansı bir məlumat yayılmayıb.

 

Ərdoğanın Tehrana rəsmi səfəri ərəfəsində, Türkiyə Silahlı Qüvvələrinin Baş Qərargah rəisi general Hulusi Akar iranlı həmkarı Məhəmmədhüseyn Baqirinin rəsmi dəvəti ilə oktyabrın 1-dən 2-nə keçən gecə İrana səfər edib. O, həmin müddətdə İranın bir sıra rəsmiləri ilə görüşərək müxtəlif mövzularda, o cümlədən də regionda baş verən son olaylar, eləcə də ötən həftə İraq Kürdistanında keçirilmiş müstəqillik referendumunu müzakirə edib.

 

 

Xatırladaq ki, sentyabrın 25-də İraq Kürdistan Muxtariyyətində müstəqilliklə bağlı referendum keçirilib və səsverməyə qatılanların 92 faizindən çoxu müstəqilliyin lehinə səs verib. 

 

A.M


HƏMÇİNİN OXUYUN

HƏMÇİNİN OXUYUN