Türkiyə Silahlı Qüvvələrinin Baş Qərargah rəisi İrana səfər edib

Türkiyə Silahlı Qüvvələrinin Baş Qərargah rəisi İrana səfər edib

GünAzTV: Türkiyə Silahlı Qüvvələrinin Baş Qərargah rəisi Hulusi Akar oktyabrın 1-dən 2-nə keçən gecə İrana səfər edib. Akarın Tehrana səfəri, Türkiyə prezidenti Rəcəb Tayyib Ərdoğanın İrana rəsmi səfərindən iki gün əvvələ təsadüf edib.

 

Ərdoğanın İrana səfəri oktyabrın 4-nə planlaşdırılıb. Səfər zamanı Türkiyə prezidentinin iranlı həmkarı Həsən Ruhani və İranın dini lideri Əli Xamneyi ilə görüşüb danışıqlar aparacağı bildirilir.

 

Hulusi Akarın Tehrana səfəri iranlı həmkarı Məhəmmədhüseyn Baqirinin dəvəti ilə baş tutub. İran mediasının yazdığına görə, Hulusi Akarın İran Silahlı Qüvvələrinin Baş Qərargah rəisi ilə görüşü olub. Görüşdə, iki ölkə arasındakı qarşılıqlı əlaqələr, birgə hərbi əməkdaşlıq, Suriya məsələsi, regional məsələlər, terrorizmə qarşı mübarizə və İraq Kürdistanında keçirilmiş müstəqillik referendumu barədə danışıqlar aparılıb. Tərəflər, İraqın ərazi bütövlyünün qorunub saxlanılmasının vacibliyinə toxunaraq bildiriblər ki, Bağdadla Kürdistan Muxtariyyəti arasındakı  ixtilafların həlli üçün İraq Konstitusiyası əsas götürülməli və icra edilməlidir.

 

 

Danışıqlarda üzərində fikir mübadiləsi aparılan mövzuların təfərrüatı haqda hər hansı bir məlumat yayılmayıb.

 

Xatırladaq ki, sentyabrın 25-də İraq Kürdistan Muxtariyyətində müstəqilliklə bağlı referendum keçirilib və səsverməyə qatılanların 92 faizindən çoxu müstəqilliyin lehinə səs verib. 

 

 

A.M


HƏMÇİNİN OXUYUN

HƏMÇİNİN OXUYUN