Türkiyədə MİT birbaşa prezidentə tabe olacaq

Türkiyədə MİT birbaşa prezidentə tabe olacaq

GünAz TV: Türkiyədə fövqəladə vəziyyət rejimi çərçivəsində bir sıra qərarlar qəbul edilib.

 

Bu barədə "Resmi Gazete" məlumat yayıb.

 

Dəyişikliyə əsasən, Türkiyə Milli İstihbarat Təşkilatı (MİT) ölkə prezidentinin birbaşa tabeliyinə verilib.

 

Milli İstihbarat Təşkilatı rəhbərinin başçılıq etdiyi MİT Əlaqələndirmə Qurumuna da bundan sonra prezident sədrlik edəcək.

 

Qeyd edək ki, indiyə qədər MİT rəhbəri Nazirlər Kabinetinin üzvü olmaqla yanaşı təyinatı parlamentdə təsdiqlənirdi.

 

Sənədlərdə həmçinin qeyd olunur ki, ölkə kəşfiyyatının rəhbəri yalnız dövlət başçısının sərəncamı əsasında məhkəməyə göstəriş verə bilər.

 

Sənədə görə, bundan sonra Türkiyə Silahlı Qüvvələri və Müdafiə Nazirliyinin əməkdaşları ilə bağlı bütün xidməti informasiyaları MİT toplayacaq, təhlil edəcək və aidiyyatı qurumlara ötürəcək.

 

Daha bir vacib məqam. Qəbul edilən qərarla parlamentlə əlaqədar da bir sıra dəyişikliklər edilib. Həmin dəyişikliklərə əsasən, deputatlara qarşı istintaq seçkilərə qədər və ya seçkilərdən sonra aparıla bilər.

 

Bütün bunlarla yanaşı, qərara əsasən, Türkiyə yüksək təhsil qurumlarından 120 elm adamı, Müdafiə Nazirliyinin 19, Silahlı Qüvvələrin Baş Qərargahının 1, Quru Qoşunları Komandanlığının 106, Dəniz Qüvvələri Komandanlığının 40, Hava Qüvvələri Komandanlığının 59 əməkdaş işdən azad edilib.  Virtualaz.org

N.S


HƏMÇİNİN OXUYUN

HƏMÇİNİN OXUYUN