Venesuelada polis helikopteri Ali Məhkəmənin binasına hücum edib

Venesuelada polis helikopteri Ali Məhkəmənin binasına hücum edib

GünAz TV: Venesuelanın paytaxtı Karakas şəhəri üzərində uçan polis helikopterinin pilotu əhalini hökumətə qarşı çıxış etməyə çağırıb, daha sonra isə Ali Məhkəmənin binasına hücum edib.

 

APA-nın “Gazeta.ru”ya istinadən verdiyi xəbərə görə, bu barədə Venesuelanın rabitə və informasiya naziri  Ernesto Vilyeqas bildirib.

 

“Bir nəfər respublikaya qarşı silah qaldırıb. O, helikopteri qaçıraraq Ali Məhkəmənin binasına hücum edib”, - deyə o qeyd edib. 

 

Məlumatı Venesuela prezidenti Nikolas Maduro təsdiqləyib. 

 

“Helikopterdə olanlardan biri Amerika Birləşmiş Ştatlarının (ABŞ) Mərkəzi Kəşfiyyat İdarəsi ilə təmasda olan sabiq DİN rəhbəri Rodriqes Torresin pilotu olub”, - deyə Maduro qeyd edib.   

 

Onun sözlərinə görə, helikopterdən  məhkəmə binasına iki əl qumbarası atılıb. Onlardan biri yalnız biri partlayıb: “hadisə nəticəsində yüzlərlə insan yaralana bilərdi”.

 

N.S


HƏMÇİNİN OXUYUN

HƏMÇİNİN OXUYUN