Xamneyini istefaya çağıran bəyanatı imzalayanlardan daha biri həbs edilib

Xamneyini istefaya çağıran bəyanatı imzalayanlardan daha biri həbs edilib

GünAz TV: İranın “dini lider”i Əli Xamneyini istefaya çağıran bəyanatı imzalayan 14 nəfərdən daha biri- Abbas Vahidiyan Şahrudi avqustun 18-də Məşhəddə, öz yaşadığı mənzildə ETTELAAT tərəfindən həbs edilib.

 

İnsan haqları fəallarının dediklərinə görə, o, axşam saatlarında ailəsi ilə birlikdə evdə olarkən ETELAAT işçiləri onun mənzilinə hücum ediblər. Məlumatlarda bildirilir ki, ETELAAT işçiləri Abbas Vahidiyanı ailəsinin gözü qarşısında döyüb, daha sonra maşına mindirib, naməlum istiqamətdə aparıblar.

 

İranın hüquq müfahizə orqanları hələ ki, yayılan xəbərlərə münasibət bildirməyiblər.

 

Xatırladaq ki, iyun ayında 14 siyasi fəal bəyanat yayaraq, Əli Xamneyini istefaya çağırmışdı. Digər fəallar da bu bəyanatı dəstəkləmiş və avqust ayının əvvəllərində 14 qadın aktivist oxşar tələblə çıxış etmişdilər.

 

Bu günə qədər bu bəyanatları imzalayanlardan bəziləri həbs edilib. Digər fəallar isə təhdid olunduqlarını və təzyiqlərə məruz qaldıqlarını deyirlər.

 

Ötən həftə isə hər iki bəyanatı imzalayanlardan bir neçəsi bir qrup siyasi aktivistlə Xamneyini istefaya çağıranlardan biri olan Kamal Cəfəri Yəzdiyə qarşı 13 il həbs cəzası verilməsinə etiraz əlaməti olaraq Məşhəd Ədliyyə İdarəsinin qarşısında toplaşmışdılar. Lakin təhlükəsizlik qüvvələri onları həbs etmişdi.

 

Ə.A


HƏMÇİNİN OXUYUN

HƏMÇİNİN OXUYUN