Abbas Lisaninin oğlunun möhürlənmiş mağazasının müvəqqəti açılması barədə qərar qəbul edilib

Abbas Lisaninin oğlunun möhürlənmiş mağazasının müvəqqəti açılması barədə qərar qəbul edilib

GünAz TV: Xəbər verdiyimiz kimi, Ərdəbil zindanında məhbus həyatı yaşayan tanınmış güney azərbaycanlı milli-mədəni fəal Abbas Lisaninin ailəsinə edilən təzyiqlər müxtəlif formalarda davam edir.

 

Ötən həftə avqustun 28-də tanınmış fəalın oğlu Əli Lisaninin qızıl məmulatları təmiri mağazasının İctimai Məkanlara Nəzarət İdarəsi (Əmakin) tərəfindən möhürləndiyi barədə xəbər yaymışdıq. Son məlumata görə, Ərdəbil Şəhər Zərgərlər Dərnəyi avqustun 1-də plombun müvəqqəti olaraq (15 günlük) açılması barədə qərar qəbul edib.

Bu müddətdə Səlahiyyətli orqanlar Əli Lisaninin mağazası üçün tələb etdiyi lisenziyanın verilib və ya verilməyəcəyi haqda qərar qəbul edəcək.

 

Əli Lisani 2018-ci il dekabrın 8-də mağazasının bağlanması ilə bağlı İctimai Məkanlara Nəzarət İdarəsi tərəfindən xəbərdarlıq məktubu almışdır.

Həmin zaman Abbas Lisani bu işin arxasında təhlükəsizlik orqanlarının dayandığını bildirmişdir.

 

Ondan əvvəl isə Abbas Lisaninin kürəkəni Musa Qasimi oxşar problemlə üzləşib. Təhlükəsizlik orqanları Məhəmmədbaqir Universitetində podratçı kimi çalışan Musa Qasimini özlərinə məxsus üsullarla projedən uzaqlaşdırmışdır.

Musa Qasimi yaranan problemlə bağlı universitet məsullarına müraciət edincə, ona “biz bölücülərlə birlikdə işləmirik” deyə cavab verilmişdir.

 

Əli Lisani iki il əvvəl qızıl məmulatları təmiri mağazası açıb. O bunun üçün lisenziya almağa da çalışıb və aidiyyatı orqanlara müraciət edib. O iş yerinin möhürlənməsi ilə bağlı birinci xəbərdarlıq məktubunu aldıqdan sonra Ərdəbil Şəhər Zərgərlər Dərnəyinə müraciət edib. Dərnək məsulları problemlərin Ərdəbil Ettelaat İdarəsindən qaynaqlandığını bildirmişdir.

 

N.S


HƏMÇİNİN OXUYUN

HƏMÇİNİN OXUYUN