Gilanlı məsullar Astara və “Heyran gədiyi” ilə bağlı təhrikedici açıqlamalar verir!

2018-04-02 15:14

GünAz TV: Gilan Əyalətinin məsulları Astaranın yenidən Ərdəbil Əyalətinə ilhaq edilməsi ilə bağlı tələblərə reaksiya verərək bu barədə təhrikedici açıqlamalarla çıxış edirlər.

 

Məlumata görə, Rəşt Bələdiyyə İdarəsinin rəsmisi Muxtar Cabbari “Astaranın Ərdəbilə ilhaqının sədası qarşısında nə edilməlidir?” adlı bir yazı yayaraq Azərbaycan Milli Hərəkat fəalları və türklərin ümumi etirazlarını Gilanın maraqları ilə ziddiyyət təşkil etdiyini bildirib.

 

“Təklif olunur ki, Gilan Valiliyi əyalətin mənafeyinin qorunması üçün hərəkətə keçsin. Təhlükəsizlik orqanları da Astaranın Ərdəbilə ilhaqı ilə bağlı tələblər və bununla əlaqədar təhlükəsizlik məsələlərini araşdırıb bu barədə öz planlarını təqdim etsinlər.

Biz ciddi bir araşdırma ilə Astara Əhalisinin Ərdəbilə birləşməklə bağlı mənfi mövqedə olduqlarını göstərməliyik.

Gilan Valiliyi millət vəkilləri və Daxili İşlər Nazirliyi vasitəsi ilə hər hansı məntəqənin hansısa əyalətin tərkibindən ayrılması vəya ilhaq edilməsi ilə bağlı qanun qəbul etdirməlidir. Həmin qanuna görə, belə məsələlər ictimaiyyətə açıqlanmamışdan əvvəl səlahiyyətli şəxslər tərəfindən araşdırılmalı və nəhayət bu barədə qərar verilməlidir. Ona görə ki, bu kimi məsələlər qövmlər arasındakı münasibətlərdə və təhlükəsizlik məsələlərində gərginlik yarada bilər”- deyə o vurğulayıb.

 

 

Bələdiyyə İdarəsinin rəsmisi bundan əlavə Astara idarəçiliyində dəyişiklik edilməsini də xüsusi vurğulayıb. O bununla Astara idarəçiliyinin yerli olmayan şəxslərə tapşırılmasına eyham vurub. 

 

Muxtar Cabbarinin yazısı “Gil neqah” xəbər saytında dərc olunub.

 

Məsələyə Rəşt Şəhər Şurasının üzvü Rza Rəsuli də münasibət bildirib. O bu barədə şəxsi İnstaqram səhifəsində görüntü və məlumat yayaraq “Heyran gədiyi” ilə bağlı etirazlardan nigaranlıq hissi keçirdiyini bildirib.

 

 

Şura üzvü “Heyran gədiyi” və Astara ilə bağlı azərbaycanlı məsullar və millət vəkillərinin açıqlamalarını İranda yaşayan qövmlərin birliyi üçün bir təhdid olduğunu deyib.

 

Rza Rəsuli həmçinin yaydığı görüntülərdə Xəzər dənizinin tarixi adını saxtalaşdıraraq onu “Kaspiyən” adlandırıb.

 

Astara əhalisinin Ərdəbillə olan mədəni-mənəvi bağları kimsəyə gizli deyil. Dil, mədəniyyət və ailə qohumluqları olan məntəqələri bir çox ortaq dəyərlər birləşdirir. Bununla yanaşı Ərdəbil və Astaranın hətta iqtisadiyyatı da bir-birini tamamlayan bir sistemdir. Bu iki məntəqənin birləşməsi tarixi ədalətin gərçəkləşməsi istiqamətində önəmli addım olardı.

 

Astara şəhəri Gilan Əyalətinin mərkəzi olan Rəşt şəhərinin təxminən 200, Ərdəbilin isə 70 kilometrliyində yerləşir. Bu şəhər vaxtı ilə Ərdəbil şəhəri və Şərqi Azərbaycan Əyalətinə bağlı olub. Sonralar ölkənin inzibati ərazi bölgüsündə müvəqqəti olaraq Gilan Əyalətinə ilhaq edilib. Şəhərin əhalisi Azərbaycan türkləridir, onlar bütün azərbaycanlılar kimi Astaranın yenidən Ərdəbil Əyalətinə ilhaq edilməsini tələb edir.

 

Novruz bayramı günlərində “Heyran gədiyi” məntəqəsində turistlərə xidmət göstərmək bəhanəsi ilə təxminən 15 lövhə quraşdırılıb. Gilan rəhbərliyi tərəfindən quraşdırılan lövhələrdə “Heyran gədiyi” Gilan Əyalətinin inzibati ərazisi kimi göstərilib.

 

Ərdəbil Əyalətinə edilən ərazi iddiası azərbaycanlı gənclərin kəskin etirazı ilə qarşılanıb, qısa müddətdə lövhələrin üzərindəki yazılar gənclər tərəfindən silinərək oxunulmaz hala salınıb, onların bir neçəsi isə aşağı endirilib. Etirazçı gənclər “Azərbaycana xoş gəlibsiniz” cümləsini əks etdirmək üçün lövhələrdəki “Gilan Əyaləti” sözünün üzərinə Azərbaycan bayrağı yapışdırıblar.

 

Gilan rəhbərliyi tərəfindən quraşdırılan bəzi lövhələrin üzrində artıq “Yaşasın Azərbaycan”, “Yaşasın Ərdəbil”, “Heyran canımdır, Torpaqdan pay olmaz”, “Heyran Ərdəbilindir” və s. kimi şüarlar görünməkdədir.

 

N.S

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Post | Gunaz article social
فرید سرهنگی

2020-05-28

صفویان که بیشتر از ترک بودنشان به شیعه بودنشان می بالیدند برای این که در مقابل امپراطوری عثمانی قد علم کنند به مرثیه سرایی به سبک شاعران شعوبیه فارس ها مانند فردوسی پرداختند واز همین رو پان ایرانیسم(پان فارسیسم)در ایران خراب شده به وجود آمد. قابل توجه جناب احمد اوبالی که از صفویان ترک هایی قهرمان ساخته!

Şərh Yaz
gun az article

GünazTV June .04.2020- Düşünməyə Çağrı: Türk Dünyası və Erməni Sorunu

2020-06-04

gun az article

GünazTV June.04.2020-Sözümüz: Azərbaycan Dirəniş Ədəbiyyatı

2020-06-04

gun az article

GünazTV June.05.2020: Azadlıq səsi: İranda irqçilik və inkar siyasəti

2020-06-05

gun az article

GünazTV June.05.2020-QADINCA: "İranda namus qətlləri"

2020-06-05

gun az article

Qərbi Azərbaycanda koronavirusa yoluxanların sayında daha bir rekord artım

2020-06-05

gun az article

İran televiziyasından növbəti anti-Azərbaycan addım: tanınmış pendir brendinə qarşı təxribat + VİDEO

2020-06-05

gun az article

Ərdəbilli sənətçilərin  İranda olan repressiyaya qarşı performans əsəri  – VİDEO

2020-06-05

gun az article

Azərbaycanlı rejissor iranlıların irqçi yanaşmasını tənqid edib

2020-06-05

gun az article

Urmiya gölünün son vəziyyəti + VİDEO

2020-06-04

gun az article

Qərbi Azərbaycanda koronavirusa yoluxma halları sürətlə artır

2020-06-04

gun az article

“Urmiyə 90” komandası İran çempionatının I dəstəsi yarışlarından geri çəkilməyə məcbur olub

2020-06-04

gun az article

İmam cümə Qərbi Azərbaycan əyalətinin kürd valisinin idarəçiliyini tənqid edib

2020-06-04

gun az article

Tarixi “Rəbi-Rəşidi” şəhərciyinin ərazisində yanğın baş verib + Video

2020-06-04

gun az article

GünazTV June.03.2020: Kürd təşkilatları Azərbaycan topraqlarına göz dikib, ABŞ-dakı etirazlar və İranda aban etirazlarına baxış.

2020-06-03

gun az article

Marağada məktəb binalarının 40 faizi bərbad vəziyyətdədir

2020-06-03

gun az article

Əhərdə ailəvi qonaqlıqda iştirak edən 9 nəfər koronavirusa yoluxub

2020-06-03

gun az article

Qərbi Azərbaycan əyalətində koronavirusa yoluxanların sayı 6000-i ötüb

2020-06-03

gun az article

Azərbaycanlıların geniş etirazından sonra Xoy tarixi bazarının təhrif olunmuş adları düzəldilib

2020-06-03

gun az article

Təbriz Şəhər Şurasının sədri həbs edilib

2020-06-03

gun az article

Güney azərbaycanlı fəal və idmançı müvəqqəti azadlığa buraxılıb

2020-06-03