Güney azərbaycanlı taekvondoçu qadının mühacirətdən sonra yazdığı sözlər: “Mən repressiyaya məruz qalan milyonlarla qadından biriyəm...”

2020-01-12 12:55

GünAz TV: İrana olimpiadada tarixi medal qazandıran güney azərbaycanlı qadın taekvondoçu Kimya Əlizadə ötən günlərdə Avropaya mühacirət etdikdən sonra öz həyatı və İranda qadın hüquqları ilə bağlı İnstaqram səhifəsində diqqətçəkən post paylaşıb.


Mediada onun Hollandiyada qalıb və bu ölkənin bayrağı altında yarışlara qatılacağı barədə xəbər yayıldıqdan sonra bəzi sosial şəbəkə istifadəçiləri onu vətənini satmaqda, bəziləri isə riyakarlıqda ittiham etdilər.


İdmançı bu barədə öz səhifəsində bir mətn paylaşıb:
“Deyillər ki, artıq Kimya heç nə edə bilməyəcək. Mən isə biraz da irəli gedib, bundan əvvəl də heç kim olmadığımı deyirəm.
Kimya Əlizadə nə çempiondur, nə tarix yaradan, nə də ki, İran karvanının bayraqdarıdır! Mən İranda repressiyaya məruz qalan milyonlarla qadından biriyəm. Uzun illər mənə qarşı istədikləri kimi davrandılar. İstədikləri yerə apardılar, tələb etdikləri kimi geyindim. Hansı cümləni əmr etdilərsə, onu da təkrar etdim. İstədikləri zaman məni müsadirə etdilər. Qazandığım medalları məcburi hicabın nəticəsi adlandırıb, öz idarəçilikləri ilə əlaqələndirdilər.
Mən onlar üçün önəmli deyildim. Əslində heç birimiz onlar üçün əhəmiyyət kəsb etmirik. Biz onların əlində bir vasitəyik. Yalnız qazanılan dəmir medallar onlar üçün önəmlidir. Ona görə ki, bizdən istədikləri qiymətə alıb onunla siyasi qazanc əldə edirlər. Bununla yanaşı həm də təhqir edərək bildirirlər ki, qadın üçün ayaqlarını uzatmaq fəzilət sayılmır.”- deyə o bildirib.


İdmançı qeyd edib ki, İranda olduğu zaman televiziya verilişində ondan müəyyən suallar soruşublar. O məhz həmin suallara cavab vermək üçün verilişə dəvət olunub.
Azərbaycanlı taekvondoçu İranda olduğu zaman müsahibələrində məcburi hicabı müdafiə etməyə vadar edilib.


Kimya Əlizadə onu tənqid edən Hadi Saiyə xitabən yazıb ki, mən buraya gəlmişəm ki, sizin kimi olmayım və sizin getdiyiniz istiqamətdə hərəkət etməyim. Mən sizin rəftarlarınızın müəyyən hissəsini təqlid etsəydim, sizdən daha çox sərvət və qüdrətə çata bilərdim. Mən bütün bunlara arxa çevirdim. Ona görə ki, mən bir insanam və insan olaraq da qalacam.


Kimya Əlizadə cəmiyyətdə patriarxal dəyərlərin hökm sürdüyünə də deyinib. “Siz patriarxal düşüncənizlə hər zaman fikirləşdirdiniz ki, Kimya qadındır, onun dili yoxdur! Mənim incimiş ruhum sizin dar görüşlü siyasi lobbilərinizin çirkli iqtisadi kanallarına sığmaz. Mən taekvondo idmanı, təhlükəsizlik, şad və sağlam həyatdan başqa dünyadan heç nə istəmirəm.”- deyə o əlavə edib.


Azərbaycanlı idmançı İran əhalisinə belə bir mesaj da ünvanlayıb: “İranın əziz və müsibətlə üzləşən əhalisi, mən fəsad və yalan üzərində qurulan tərəqqi pilləkanı ilə yüksəlmək istəmədim.”


Azərbaycanlı idmançının qeyd etdiyi problemlər və ayrı-seçkilik siyasəti ilə əlaqədar vaxtaşırı güney azərbaycanlı və iranlı idmançılar ölkəni tərk edir. Son vaxtlar İrandan Avropaya üz tutan idmançıların sayı daha çox artıb.


Kimya Əlizadə Kərəc şəhərində doğulub. Onun anası Ərdəbil, atası isə Təbrizin Zunuz şəhərindəndir. O 2016-cı il Rio-de-Janeyro Yay Olimpiya Oyunlarında tarixi nailiyyətə imza atıb. Azərbaycanlı idmançı İran tarixində qadın olaraq ilk dəfə Olimpiya Oyunlarında medal qazanıb.


N.S

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Qərbi Azərbaycanda koronavirus qurbanlarının sayı 530 nəfəri ötüb

2020-07-09

gun az article

“United for İran” insan hüquqları təşkilatı güney azərbaycanlıların Abbas Lisaniyə dəstək klipini yayıb+ VİDEO

2020-07-09

gun az article

Güney azərbaycanlı siyasi məhbus Abbas Lisaniyə dəstək üçün Telegram kanalı yaradılıb

2020-07-09

gun az article

Qaradağ meşələrində yanğın baş verib

2020-07-09

gun az article

M.Ə.Rəsulzadə niyə dövlətimizi “Azərbaycan” adlandırılıb?- Məqalə

2020-07-09

gun az article

Ərəb və bəluc fəallardan güney azərbaycanlı milli-mədəni fəal Abbas Lisaniyə dəstək

2020-07-09

gun az article

Təbrizdə qaldırılan qız heykəlinin geyimi dəyişdirildi, yerinə qaytarıldı

2020-07-09

gun az article

Ərk cəmiyyətinin sədri: Abbas Lisani qeyd-şərtsiz sərbəst buraxılmalıdır

2020-07-09

gun az article

Ermənistanın Arazı çirkləndirməsi ilə bağlı xəbərdarlıq: "Muğanda xərçəng sunamisi yaranıb"

2020-07-09

gun az article

GünazTV July.08.2020: İranın hərbi məntəqələrində patlayışlar, Abbas Lisaniyə dəstək.

2020-07-09

gun az article

Azərbaycan İnsan Hüquqları Cəmiyyəti Abbas Lisani ilə bağlı BMT-nin insan haqları nümayəndəsinə müraciət edib

2020-07-08

gun az article

GünazTV July.08.2020: Kürd silahlı qrupları İslam Respublikasının siyasətlərinə xidmət edir

2020-07-08

gun az article

Sulduzda milli fəal Abbas Lisaniyə dəstək məqsədilə posterlər paylanılıb

2020-07-08

gun az article

Ərdəbil əhalisinin 20%-i koronavirusa yoluxub

2020-07-08

gun az article

İnsan haqları təşkilatı Abbas Lisaninin azadlığı üçün imzatoplama kampaniyası keçirir

2020-07-08

gun az article

Təbrizin çıxışındakı lövhədən “Türkiyə” sözü silinib

2020-07-08

gun az article

Təbrizdə kiçik qız heykəlinin qaldırılması etirazlara səbəb olub

2020-07-08

gun az article

GünazTV July.07.2020-Özümüz: Qacarlar: Məhəmməd Şah Dönəmi

2020-07-08

gun az article

GünazTV July.07.2020 -GÜNDƏM MASASI: İranın, G.A. Milli fəallarına qarşı uzun müdətli həbslərin verilməsi səbəbi

2020-07-08

gun az article

“Çağdaş Azərbaycan Kültür Dərnəyi” Abbas Lisaninin həbs cəzasının təsdiqlənməsini qınayıb

2020-07-07