Tikantəpənin millət vəkili Humayun Haşimiyə etiraz olaraq oturacağına kartof qoyulub – VİDEO

Tikantəpənin millət vəkili Humayun Haşimiyə etiraz olaraq oturacağına kartof qoyulub – VİDEO

GünAz TV: Qərbi Azərbaycan Əyalətinin Tikantəpə şəhərində millət vəkili Humayun Haşimiyə etiraz olaraq oturacağına 2 kilo kartof qoyulub.

 

Hadisə Tikantəpənin Pəyam-Nur Universitetində Öyrənci Günü münasibəti ilə keçirilən mərasimdə baş verib. Mərasimdə Tikantəpə Şəhər İcra Hakimiyyətinin başçısı, Bələdiyyə başçısı, şəhərin imam cüməsi və digər məsullar iştirak edib.

 

Məlumata görə, tikantəpəli öyrəncilər mərasimdən əvvəl şəhərin millət vəkilindən tədbirə qatılmasını istəyiblər, lakin Humayun Haşimi mərasimdə iştirak etməyib. Bundan sonra öyrəncilər millət vəkilinin mərasimə qatılmaması və 4 il müddətində zəif fəaliyyət göstərməsinə etiraz olaraq onun üçün nəzərdə tutulan oturacağa 2 kilo kartof qoyublar.

 

Öyrəncilər bildirib ki, bu şəhərdə kartof Humayun Haşimidən daha çox işə yarayıb.

 

https://www.youtube.com/watch?time_continue=13&v=LmmkXlwtmWM&feature=emb_logo

 

Humayun Haşimi verdiyi çoxsaylı vədlərə rəğmən ötən 4 il müddətində çox zəif fəaliyyət göstərib. Bundan əlavə, o Tikantəpə Şəhər Şurasının radikal kürddilli üzvü Hüseyn Mikaili ilə yaxından əməkdaşlıq edir, onunla dostluq münasibəti var. Bu məsələ yerli əhalinin kəskin etirazına səbəb olub.

 

Hüseyn Mikaili ötən il “fırıldaqçılıq, rüşvət alma və ictimai əmlakı mənimsəmə” itihamı ilə Şəhər Şurasından uzaqlaşdırılırdı, lakin Humayun Haşimi radikal kürddilli Şura üzvünü müdafiə edərək onun tutduğu vəzifədən kənarlaşdırılmasına imkan vermədi. Millət vəkilinin şübhəli fəaliyyətləri ilə tanınan Hüseyn Mikailini davamlı olaraq müdafiə etməsi yerli əhalinin narazılığına səbəb olub.

 

N.S


HƏMÇİNİN OXUYUN

HƏMÇİNİN OXUYUN