Zəhra Nəvidpurun qətl işini kimin boynuna qoymaq istəyirlər?

2019-04-26 06:30

GünAz TV: Məlikanın sözdə millət vəkili Salman Xudadadinin cinsi təcavüzünə məruz qalan, bir müddət sonra isə qətlə yetirilən gənc qadın Zəhra Nəvidpurun qətlini zorla kimlərinsə boynuna qoymağa çalışırlar, bu İranın təhlükəsizlik qüvvələri və millət vəkilinə bəraət qazandırmaq məqsədi ilə həyata keçirilir.

 

“Məclis və Azərbaycan” hökumət saytının aprelin 24-də yaydığı məlumata görə, gənc məlikanlı qadın Zəhra Nəvidpurun qətl dosyesi ilə bağlı istintaq işləri yekunlaşmaq üzrədir.

 

“Etibarlı mənbələrdən aldığımız məlumata görə, Zəhra Nəvidpur iki nəfər tərəfindən qətlə yetirilib. Qatillər artıq saxlanılıb, hazırda qətl dosyesi Tehranda araşdırılmaqdadır.”- deyə məlumatda qeyd olunub.

 

Saytda vurğulanıb ki, saxlanılan qatillərin Məlikanın millət vəkili ilə heç bir əlaqəsi yoxdur.

 

İki həftə əvvəl Zəhra Nəvidpurun anası bir video yayaraq bildirmişdir ki, baş verən cinayəti Zəhranın qardaşının boynuna qoymağa çalışırlar.

 

“Zəhra Nəvidpurun anasıyam. Övladımı əlimdən aldılar. İndi isə Cinayət-Axtarış İdarəsinin məmurları və Hacı Salmanın adamları bizi təhdid edir. Sözümüzü deməyə imkan vermirlər. Oğlumu zindana salıblar. Mən və qızımı da saxlamışdılar. Bizi buraxdılar, lakin oğlum hələ də həbsxanadadır. Bizi qətli boynumuza almağa məcbur edirlər. Axı bizim nə günahımız var! Sizi inandığınıza and verirəm, bizim dadımıza çatın”- deyə o sözlərinin bir hissəsində qeyd etmişdir.

 

Zəhra Nəvidpur həyatdaykən 4 il müddətinə Hacı Salman Xudadadi tərəfindən cinsi təcavüzə məruz qaldığına dair məhkəmə orqanları, insan hüquqları təşkilatları və kütləvi informasiya vasitələrinə bir çox sənədlər təqdim edib.

Məlikanın vaxtı ilə “Sepah” üzvü olan millət vəkili və onun əlaltıları təcavüz qurbanını dəfələrlə qətlə yetirməklə təhdid edib. Zəhra Nəvidpur qətlindən əvvəl bu barədə çoxlu sənədlər ifşa etmişdir.

 

28 yaşlı Zəhra Nəvidpurun cansız bədəni yanvarın 6-da anasının evində tapılıb. Onun şübhəli ölümü Güney Azərbaycanda bir çox etirazlara səbəb oldu.

 

Bir müddət əvvəl kütləvi informasiya vasitələri Hacı Salman Xudadadinin barəsində məhkəmə hökmü çıxarıldığını bildirib. Qeyd olunub ki, Tehran Cəza Məhkəməsinin 5-ci şöbəsi millət vəkilinə qadına təcavüz ittihamı ilə bağlı bəraət verib, lakin onu qeyri-məşru cinsi əlaqədə olmaqda günahlandıraraq barəsində 2 il işindən uzaqlaşdırma, 2 il sürgün və 99 şallaq zərbəsi hökmü çıxarıb.

Martın 15-də Tehran Əyaləti Ədliyyə İdarəsinin rəisi mətbuata verdiyi açıqlamada hökmün çıxarıldığını, lakin qərarın qəti olmadığını qeyd edib.

 

Zəhra Nəvidpurun qətlindən sonra prokurorluq hadisənin qətl deyil, intihar olduğunu iddia etmişdir. Mətbuat orqanları da prokurorluq tərəfindən yayılan məlumata istinadən Zəhra Nəvidpurun zəhərli həblər qəbul edərək intihar etdiyini yazmışdır.

 

Təcavüzə məruz qalan qadının qətl dosyesi haqda yayılan ziddiyyətli xəbərlər götərir ki, bütün işlər hər kəsin şübhəli gördüyü millət vəkili və təhlükəsizlik orqanlarının etdiyi cinayəti ört-basdır etməyə yönəlib.

 

Salman Xudadadi bundan əvvəl Məlikan “Sepah”ının komandiri, Ərdəbil Ettelaat Şöbəsinin rəisi və Şərqi Azərbaycan Ettelaat İdarəsinin rəis müavini postlarında işləyib. O azərbaycanlı milli-mədəni fəallara qarşı etdiyi təzyirlərlə seçilir, bu günə qədər çox sayda fəal onun göstərişi əsasında saxlanılıb və məhkəmə qarşısına çıxarılıb.

 

N.S

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Şərqi Azərbaycanda ağır yol qəzası baş verib

2020-08-14

gun az article

Güney Azərbaycanda koronavirus pandemiyası ilə bağlı son vəziyyət

2020-08-14

gun az article

Evin zindanında saxlanılan milli fəallar: Dövlət televiziyasında yayımlanan reportaj gülünc və yalandır

2020-08-14

gun az article

Ərdəbil baş prokuroru siyasi məhbus Abbas Lisaninin məzuniyyətə buraxılmasına icazə verməyib

2020-08-14

gun az article

GünazTV Aug.13.2020-Sözümüz: Azərbaycan Kültürünə Qarşı Düşmənçiliklər

2020-08-14

gun az article

GünazTV Aug.13.2020- Düşünməyə Çağırı: Keçmişdən Günümüzə Qaşqayi Türkləri

2020-08-13

gun az article

Milli fəallar Abbas Lisaninin ailəsinə başsağlığı veriblər

2020-08-13

gun az article

Qərbi Azərbaycanda koronavirusdan ölənlərin sayı 800 nəfəri ötüb

2020-08-13

gun az article

Şərqi Azərbaycanda baş verən yol qəzalarında 207 nəfər ölüb

2020-08-13

gun az article

Azərbaycan İnsan Hüquqları Cəmiyyəti: Abbas Lisaninin məzuniyyət hüququ təmin olunmalıdır

2020-08-13

gun az article

GünazTV Aug.12.2020: Rusların Korona vaksənləri nə qədər doğrudu, İranın Lobnan və məntəqədəki siyasətinin böhranları

2020-08-12

gun az article

Mərənddə 5 mindən çox balıq tələf olub + VİDEO

2020-08-12

gun az article

Saxlanılan milli fəal Cavad Ruhinəjad Qoşaçay həbsxanasına köçürülüb

2020-08-12

gun az article

Güney Azərbaycanda koronavirus pandemiyası ilə bağlı son vəziyyət

2020-08-12

gun az article

Qərbi Azərbaycanda baş verən zəlzələdə xəsarət alan olmayıb

2020-08-12

gun az article

Yerli məsulların xəyanəti nəticəsində Təbrizin fotoqrafiya muzeyi Tehrana köçürülür + VİDEO

2020-08-12

gun az article

Həbsdə olan milli fəal Abbas Lisaninin qardaşı dünyasını dəyişib

2020-08-12

gun az article

GünazTV Ayg.11.2020-Özümüz: Naserəddin Şahın Avrupa Səfərləri

2020-08-12

gun az article

GünazTV Aug.11.2020 -GÜNDƏM MASASI: Qanunun adı altında İran hakimiyyətinin iradəsini həyata keçirən özbaşınalıq

2020-08-12

gun az article

Azərbaycanlı fəal Əkbər Sadiqi müvəqqəti olaraq azadlığa buraxılıb

2020-08-11