Azərbaycan Ulusal Tərpənişi Qrupu “Çətəçilər”in Milli Hərəkata qarşı təxribatı ilə bağlı bildiriş yayıb

Azərbaycan Ulusal Tərpənişi Qrupu “Çətəçilər”in Milli Hərəkata qarşı təxribatı ilə bağlı bildiriş yayıb

GünAz TV: Azərbaycan Ulusal Tərpənişi Qrupu, “Çətəçilər”in Azərbaycan Milli Hərəkatına qarşı son təxribatı barədə bildiriş yayıb. 

 

“Azərbaycan Milli Hərəkatı nə zaman əsas hədəfinə yaxınlaşmaq istəyib, əziz Azərbaycan türk millətinin böyük əksəriyyəti onunla birgə hərəkət edib və qanuni hüquqlarının təmini ilə bağlı mübarizə aparıblar, lakin kiçik bir qrup öz aralarında rejimə bağlı bir təşkilat yaradaraq Azərbaycan Milli Hərəkatına maneçilik yaratmağa çalışıblar. Birliyi hədəfə alan həmin qüvvələr Azərbaycan türk millətinin ayıq-sayıqlığı nəticəsində heç bir nəticə almayıb və hər zaman qarşıları alınıb. Bu, yenə də belə olacaq. Dirəniş Təşkilatı da həmin qüvvələrə aid bir təşkilatdır. Diktatorluq və sözdə lider yaratmaqla məşğul olan Dirəniş, hər zaman təkbaşına və eqoist addamlar atıb. Bundan əlavə bu təşkilat Milli Hərəkatın tanınmış simalarını təxribata məruz qoyur. Halbuki, təxribata məruz qalan şəxslər Azərbaycan türk millətinin milli hədəfləri uğrunda can və mallarından keçib, bu istiqamətdə əllərindən gələni ediblər.

 

Azərbaycan Ulusal Tərpənişi Qrupu təxribatçı qruplar və diktator Dirəniş Təşkilatının bu kimi fəaliyyətlərini kəskin qınayır və elan edir ki, xain və satqın ünsürlərlə əməkdaşlıq və eqoist addımlar məğlub olmağa məhkumdur. Azərbaycanın qeyrətli milləti belə hərəkətləri qəbul etmir və bu kimi qruplara Milli Hərəkata müdaxilə və fəaliyyət icazəsi verməyəcək”- deyə bildirişin bir hissəsində qeyd olunub.

 

Bildiriş Azərbaycan Ulusal Tərpənişi Qrupunun müdiri və bütün üzvləri tərəfindən yayılıb.

 

N.S

 

 


HƏMÇİNİN OXUYUN

HƏMÇİNİN OXUYUN