Azərbaycanın müqavimət simvolu Səfərxan Qəhrəmaniyan Kərəcdə anılıb – VİDEO / GÖRÜNTÜ

Azərbaycanın müqavimət simvolu Səfərxan Qəhrəmaniyan Kərəcdə anılıb – VİDEO / GÖRÜNTÜ

GünAz TV: Azərbaycanın müqavimət simvolu kimi tanınan Səfərxan Qəhrəmaniyan vəfatının 15-ci ildönümündə Kərəcdə anılıb.

 

Anım mərasimində bir qrup azərbaycanlı milli-mədəni fəal iştirak edib. Onlar cümə günü mərhumun vəfatının növbəti ildönümü münasibəti ilə onun məzarını ziyarət edib, önünə əklillər qoyaraq əziz xatirəsini anıblar.

 

Fəallar həmçinin S.Qəhrəmaniyanın məzarı üstündə şam yandırıb, türkcə şeirlər oxuyublar.

 

https://www.youtube.com/watch?v=lw4XmaMgt_Y

 

 

Uzun müddət məhbus həyatı yaşadığına görə dünya üzrə tanınmış siyasi məhbus Güney Azərbaycanın müqavimət simvolu kimi tanınır. O 15 il öncə 81 yaşında Tehranda dünyaya göz yumub.  

 

S.Qəhrəmaniyan 1921-ci ildə Əcəbşerin Şişvan kəndində əkinçi bir ailədə dünyaya göz açıb. O gənc yaşlarından istibdada qarşı mübarizəyə başlayıb, sonralar Azərbaycan Demokrat Firqəsinə qoşulub. Azərbaycan Milli Hökuməti 1946-cı ildə süquta uğradıldıqdan sonra İraqa gedən S.Qəhrəmaniyan getdiyi ölkədə təxminən iki il müddətinə həbs edilib. O bundan sonra İrana dönüb və dərhal Pəhləvi rejimi tərəfindən saxlanılıb.

 

S.Qəhrəmaniyan ilk öncə hərbi məhkəmə tərəfindən edam, sonralar isə ömürlük həbs cəzasına məhkum edilib. O Pəhləvi rejiminin həbsxanalarında 32 il həbsdə qaldıqdan sonra 1979-cü ildə islam inqilabının baş tutduğu zaman azadlığa buraxılıb. S.Qəhrəmaniyan Tehranın İranmehr xəstəxanasında 81 yaşında dünyasını dəyişib və Kərəc şəhərinin İmamzadə Tahir qəbiristanlığında dəfn olunub.

 

 

 

 

N.S


HƏMÇİNİN OXUYUN

HƏMÇİNİN OXUYUN