Azərbaycanlı millət vəkili: “Cənab nazir bölgə əhalisinin bu mesajını prezidentə çatdırın”

Azərbaycanlı millət vəkili: “Cənab nazir bölgə əhalisinin bu mesajını prezidentə çatdırın”

GünAz TV: Şərqi Azərbaycan Əyaləti Deputatlar Birliyinin rəisi Ziyaolla Ezazi sentyabrın 27-də valilərin vida və təqdimetmə mərasimində Azərbaycan əhalisinin ölkə prezidentindən müəyyən tələblərini dilə gətirib.

 

O Daxili İşlər Naziri Əbdulrza Rəhmani Fəzliyə xitabən deyib ki, “cənab nazir bölgə əhalisinin mesajını prezidentə çatdırın. Biz Energetika və Elm, tədqiqat və texnologiyalar naziri postunlarına əyalətimizdəki iki məsul şəxsi namizəd kimi təqdim edirik.”

 

Məcid Xudabəxşin Şərqi Azərbaycanın vali postuna təyin edilməsini müsbət qarşılayan millət vəkili ona fəaliyyətlərində uğurlar arzuladığını deyib. O həmçinin keçmiş vali İsmayıl Cabbarzadənin nazir müşaviri postuna təyin edilməsinə görə ölkə prezidentinə öz təşəkkürünü bildirib.

 

“Biz hamımız əl-ələ verərək əyalətimizi Azərbaycan əhalisinə yaraşan bir şəkildə abadlaşdırmalıyıq. Əyalətimizin potensial imkanlarına söykənərək işsizliyi azaldıb və bu şəkildə bölgədən köçənlərin sayını azaltmalıyıq”- deyə Z.Ezazi əlavə edib.

 

Binabın millət vəkili sözlərinin sonunda Energetika və Elm, tədqiqat və texnologiyalar naziri postları ilə bağlı Azərbaycan əhalisinin mesajını prezidentə çatdırmağı  Daxili İşlər nazirindən xüsusi olaraq xahiş edib.

 

N.S


HƏMÇİNİN OXUYUN

HƏMÇİNİN OXUYUN