Derbidə qalib gələn Təbriz voleybol komandasının baş məşqçisi urmiyəlilərə səsləndi: “Siz ən yaxşısına layiqsiniz...”

Derbidə qalib gələn Təbriz voleybol komandasının baş məşqçisi urmiyəlilərə səsləndi: “Siz ən yaxşısına layiqsiniz...”

GünAz TV: Noyabrın 22-də Urmiyənin “Şəhrdari” voleybol komandası Təbrizin “Şəhrdari” takımını öz şəhərində qəbul edib.

 

İran üzrə voleybol klublarının super liqa yarışlarının 8-ci həftəsində keçirilən Azərbaycan dərbisi Urmiyənin 6 min nəfərlik Qədir stadionunda baş tutub.

 

Birinci iki setdə öz rəqibini geridə qoyan Urmiyənin məşhur “Şəhrdari” komandası növbəti 3 setdə bunu bacara bilməyib, bununla da oyun 2:3 hesabı ilə qardaş Təbriz komandasının xeyirinə yekunlaşıb.

 

Oyundan sonra “Təsnim” xəbər agentliyinə danışan Təbriz “Şəhrdari” komandasının baş məşqçisi Adil Bonakar Urmiyə takımını güclü komanda adlandıraraq yerli voleybol tamaşaçılarına təriflər yağdırıb.

 

“Urmiyənin “Şəhrdari” komandasının çox yaxşı tərəfdarları var. Lakin onlar bu il nədənsə bir o qədər aktiv deyil. Tamaşaçıların dəstəyi hər zaman oyunun nəticəsinə təsir edib və edir. Urmiyəli voleybol tərəfdarları olduqca mədəni insanlardır. Biz oyun boyu onlardan özümüzə qarşı heç bir təhqiramiz ifadə eşitmədik. Bu məsələ hər zaman Urmiyəni digər şəhərlərdən fərqləndirib”- deyə o bildirib.

 

Baş məşqçi həmçinin Urmiyə komandasının tərəfdarlarını öz şəhərlərinin voleybolunu daha yüksək qiymətləndirməyə  çağırıb. “Siz öz voleybol komandanızla fəxr edin, onunla barışın. Sizlər hər şeyin ən yaxşısına layiqsiniz”- deyə A.Bonakar təkidlə qeyd edib.

 

N.S


HƏMÇİNİN OXUYUN

HƏMÇİNİN OXUYUN