Əcəbşerdə sel suları altında qalan 18 aylıq uşağın cəsədi tapılıb

Əcəbşerdə sel suları altında qalan 18 aylıq uşağın cəsədi tapılıb

GünAz TV: Aprelin 14-də Güney Azərbaycanda baş verən sel fəlakəti zamanı itkin düşmüş daha bir uşağın cəsədi tapılıb.

 

Bu barədə Şərqi Azərbaycan Böhran Müdiriyyəti Mərkəzinin rəisi Xəlil Sai “Mehr” xəbər agentliyinin müxbirinə danışıb.

“Əcəbşerdə daşqınlar zamanı itkin düşən 18 aylıq uşağın cəsədi tapılıb.Cəsəd hadisədən 12 gün sonra sel basmış Çinar kəndinin 10 kilometrliyində Dizə kəndində aşkar edilib”- deyə o bildirib.

 

Xəlil Sainin sözlərinə görə, artıq Əcəbşerdə cəsədi tapılmayan heç bir itkin qalmayıb, tapılan son cəsəd 18 aylıq uşağa aid olub.

 

Qeyd edək ki, aprelin 14-də Güney Azərbaycanın bir neçə şəhərini sel basıb. Ağır maddi xəsarət və təxminən 50 nəfərin ölümünə səbəb olan təbii fəlakət ən çox Azərşəhr və Əcəbşer şəhərlərinə ziyan vurub. Dövlət Azərşəhrin Qələzar kəndində suyun yatağını yol kimi istifadəyə verdiyi üçün avtomobillər körpünün altından keçərkən sərnişinləri ilə birlikdə sel suları altında qalıb və çox sayda insan həlak olmuşdur. Dövlət rəsmiləri və bir çox mətbuat orqanı Qələzar körpüsündə baş verənləri təhrif edərək hadisə ilə bağlı yalan açıqlamalar verib, sel fəlakəti haqda həqiqəti əks etdirməyən məlumatlar yaymışdır.

 

N.S


HƏMÇİNİN OXUYUN

HƏMÇİNİN OXUYUN