Əhalinin vəsaiti hesabına təmir olunan körpü Su İdarəsi tərəfindən dağıdılıb - Ərdəbilin Micəndi kəndində / GÖRÜNTÜ

Əhalinin vəsaiti hesabına təmir olunan körpü Su İdarəsi tərəfindən dağıdılıb - Ərdəbilin Micəndi kəndində / GÖRÜNTÜ

GünAz TV: Ərdəbilin Micəndi kəndində zəhmətkeş əhalinin şəxsi vəsaiti hesabına təmir olunan körpü Ərdəbil Əyaləti Su İdarəsinin göstərişi ilə təhlükəsizlik qüvvələri tərəfindən dağıdılıb.

 

GünAz TV mətbuat mərkəzinə daxil olan məlumata görə, ötən yay fəslinin əvvəllərində baş verən hadisə bu gün kənd əhalisini bir çox problemlə üz-üzə qoyub.

 

Qarasu çayının 1 kilometrliyində yerləşən kəndin əhalisi soyuq fəsldə suların artdığı bir vaxtda körpünün olmamasından əziyyət çəkir, onlar ətrafdakı qonşu kəndlər və əkin yerlərinə baş çəkə bilmirlər. Hətta məcburiyyət qarşısında çayı keçmək istəyən kənd əhalisi davamlı olaraq təhlükə ilə üzləşir.

 

 

Məlumata görə, əhali öz zəhməti ilə təmir etdiyi 200 illik tarixi körpünün dağıdılmasına qarşı çıxaraq dəfələrlə təhlükəsizlik qüvvələrinə müqavimət göstərib, hətta onlardan bir neçəsi məmurlar tərəfindən döyülüb. Lakin təhlükəsizlik qüvvələri gecə saatlarında kənd əhalisinin xəbəri olmadam körpünü dağıdıblar.

 

 

Heç bir dəlil göstərmədən körpünün dağıdılmasına göstəriş verən Ərdəbil Əyalətinin Su İdarəsi, büdcə vəsaitinin olmadığını bildirərək məhv edilən körpünün yerində yeni körpü tikməkdən imtina edir.

 

Bir çox problemlə üz-üzə qalan kənd əhalisi tarixi körpünün dağıdılmasına kəskin etiraz edir, onlar yeni körpünün tikilməsi üçün müxtəlif orqanlara müraciət edirlər. Hələlik kənd əhalisinin bu istiqamətdəki səyləri heç bir nəticə verməyib.

 

 

 

 

 

N.S


HƏMÇİNİN OXUYUN

HƏMÇİNİN OXUYUN