Hökumətin Təbriz Şəhər Şurası seçkilərinin nəticəsini dəyişdirmək cəhdi nəticə vermədi

Hökumətin Təbriz Şəhər Şurası seçkilərinin nəticəsini dəyişdirmək cəhdi nəticə vermədi

GünAz TV: Rejimin Güney Azərbaycanın Təbriz şəhərində mayın 19-da keçirilən Şura seçkilərinin nəticəsini dəyişdirmək cəhdi nəticə verməyib.

 

Təbriz Şəhər Şurası Seçkilərinə Nəzarət Heyətinin rəisi Hüseyn İsmaili 5-ci Şura seçkilərinin elan olunan nəticəsinin təsdiqləndiyini açıqlayıb.

 

O çərşənbə günü jurnalistlərlə görüşdə Təbriz Şəhər Nəzarət Heyətinə daxil olan 100 şikayət və müşahidəçilər tərəfindən bildirilən müəyyən etirazlara görə bəzi sandıqlardan çıxan səslərin yenidən sayıldığını bildirib. “Namizədlərin etiraz etdiyi sandıqların səsləri ekspertlər, müşahidəçilər, etirazçı namizədlər və Nəzarət Heyəti üzvlərinin gözü qarşısında yenidən sayıldı, lakin nəticə dəyişmədi”- deyə o bildirib.

 

Hüseyn İsmaili səslərin yenidən sayılması, namizədlərin qazandığı səslərin sayı və onların sıralamasında təsiredici dəyişikliyə səbəb olmadığını və bununlada seçkilərin nəticəsinin təsdiqləndiyini açıqlayıb.

 

Təbriz Şəhər Şurası seçkilərinin nəticəsi elan olunduqdan sonra dini lider Əli Xamenei və İslam İnqilabı Keşikçilər Korpusuna (“Sepah”) yaxın namizədlərin Şəhər Şurasına yol tapmadıqları məlum olunca seçkilərin nəticəsini dəyişdirmək cəhdləri başladı. Məlikanın keçmiş “Sepah” komandanı, Şərqi Azərbaycan və Ərdəbil vilayətlərinin ETTELAAT (İran Kəşfiyyat Nazirliyi) İdarəsinin rəis müavini, Məlikanın bir neçə dövr millət vəkili olmuş Salman Xudadadi, həmçinin “Sepah”a yaxınlıqları ilə seçilən Təbrizin millət vəkilləri Əhməd Əlirzabəyli və Məhəmməd Hüseyn Fərhəngi seçki nəticəsinin dəyişdirməsinə ən çox cəhd göstərən məsullardan olublar. Qeyd edək ki, yuxarıda adını çəkdiyimiz Salman Xudadadi dəfələrlə Azərbaycan Milli Hərəkatı və milli-mədəni fəallara qarşı sərt və düşməncəsinə mövqe sərgiləyib.

 

Rəsmi açıqlamaya görə, Təbriz Şəhər Şurasına yol tapan namizədlərin siyahısı bundan ibarətdir:

 

Əsas üzvlər:

1.Şəhram Dəbiri 2.Şəkur Əkbərnəjad 3.Fridun Babayi Əqdəm 4.Məhərrəm Məhəmmədzadə 5.Səid Dəbbağ Nikuxislət 6.Abdulla Tağıpur Həllacan 7. Fərəc Məhəmməd Qulizadə 8. Soniya Əndiş 9.Məhəmməd Baqir Beheşti 10.Kərim Sadiqzadə 11.Əli Acudanzadə 12.Qulam Hüseyn Məsudi Reyhan 13.Məhəmməd Əşrəf Niya.

 

Əvəzedici üzvlər:

1.İrəc Şəhid Baher 2.Məhəmməd Həsən Əsvətçi 3.İsmail Çəməni 4.Nüsrətulla Şahidi 5.Məhəmməd Hüseyn Cəfəri 6.Zeynəddin Herisinəjad 7.Məhəmməd Rza Xudaverdizadə 8.Musa Əşrəfi.

 

N.S


HƏMÇİNİN OXUYUN

HƏMÇİNİN OXUYUN