Mahabadın kürd millət vəkili “Göytəpə”nin adını dəyişdirmək istəyir - PKK-nın istədiyi kimi

Mahabadın kürd millət vəkili “Göytəpə”nin adını dəyişdirmək istəyir - PKK-nın istədiyi kimi

GünAz TV: PKK və “Pejak” kimi kürd terror qruplaşmaları Güney Azərbaycanın qərb bölgələrinə olan gülünc ərazi iddialarını müxtəlif yollarla gərçəkləşdirməyə çalışırlar.

 

Son məlumata görə, Mahabadın (Soyuq bulaq) islahatçı millət vəkili Calal Mahmudzadə Azərbaycanın əzəli bölgəsi  “Göytəpə”nin adını dəyişdirmək sevdasına düşüb.

 

Bu barədə Daxili İşlər Nazirliyinə məktub yazan millət vəkili, yalan dəlillər quraşdıraraq PKK və “Pejak”ın tələbinə uyğun olaraq “Göytəpə”nin adınının türkcədən fars vəya kürd dilinə dəyişdirilməsini istəyib. O hətta Azərbaycanın əzəli ərazisi üçün heç bir tarixi kökü olmayan, sadəcə terror qruplaşmaları  tərəfindən vaxtaşırı dilə gətirilən yeni adlar da təklif edib: Mokriyan, Zaqros, Manadəşt, Aqridəşt, Abadşəhr, Madşəhr.

 

İranda Azərbaycan şəhərlərinin adları dəyişdirilərək farsca adlandırılması prosesi yeni deyil. Hətta Calal Mahmudzadənin millət vəkili olduğu şəhərin adı “Soyuq bulaq” olub və Pəhləvi rejimi tərəfindən dəyişdirilərək Mahabad adlandırılıb. Bu proses İslam Cümhuriyyəti dövründə də olduğu kimi davam edib. PKK və “Pejak” kimi kürd terror qruplaşmalarının bu istiqamətdə fəallaşması isə azərbaycanlılar üçün əlavə təhlükə ilə bağlı ciddi xəbərdarlıq siqnalıdır.

 

N.S 


HƏMÇİNİN OXUYUN

HƏMÇİNİN OXUYUN