Marağada 360 yataqlı xəstəxananın tikintisi dayandırılıb

Marağada 360 yataqlı xəstəxananın tikintisi dayandırılıb

GünAz TV: Güney Azərbaycanın Marağa şəhərində 360 yataqlı xəstəxananın tikintisi dayandırılıb.

 

Bu barədə Marağada Tibb Fakultetinin rəisi Əli Cənnəti oktyabrın 16-da keçirilən Səlamət Xeyriyyəçilər Bazarçasının açılışı mərasimində danışıb.

 

“Marağada hal-hazırda xeyriyyəçilərin hesabına 12 min kvadrat sahədə səhiyyə müəssisələri tikilməkdədir. Lakin Səhiyyə Nazirliyinin lisenziya verdiyi 360 yataqlı xəstəxananın tikintisi münasib torpağın olmaması bəhanəsi ilə dayandırılıb”- deyə o bildirib.

 

Marağada hökumətin uydurma bəhanələrlə dayandırdığı projelərin təkcə xəstəxana layihəsi ilə məhdudlaşmadığı bildirilir.

 

Tibb Fakultetinin rəisi sözlərinin davamında deyib: “Marağa xeyriyyəşilərinin tikməkdə olduqları tibb müəssisələri ixtisaslaşdırılmış klinikalar, kemoterapi və angioqrafiya mərkəzlərindən ibarət olacaq. Bunun üçün 410 milyard rial vəsait nəzərdə tutulub.”

 

Əli Cənnəti vurğulayıb ki, İranda yaşlıların sayı artıdığı üçün səhiyyə ocaqları və tibbi imkanlara daha çox ehtiyaz yaranıb.

 

Marağa Səlamət Xeyriyyəçilər Bazarçası əhalini səhiyyə layihələrinin inkişafı prosesinə cəlb etmək məqsədi ilə oktyabrın 20-dək Marağa Sufi Qalereyasında hər kəsin üzünə açıq olacaq. İran hökuməti isə hələki Azərbaycan şəhərlərində tibb və səhiyyə infrastrukturu layihələrinə laqeyd münasibətini dəyişməyə tələsmir.

 

N.S


HƏMÇİNİN OXUYUN

HƏMÇİNİN OXUYUN