Marağada tanınmış azərbaycanlı şair ustad Barışmazın yaradıcılıq gecəsi keçirilib - GÖRÜNTÜ

Marağada tanınmış azərbaycanlı şair ustad Barışmazın yaradıcılıq gecəsi keçirilib - GÖRÜNTÜ

GünAz TV: Noyabrın 23-də Güney Azərbaycanın Marağa şəhərinin Beheşti salonunda görkəmli şair, yazıçı və ədəbiyyatçı ustad Heydər Abbasinin yaradıcılıq gecəsi keçirilib.

 

Çox sayda mədəniyyət və incəsənət xadiminin qatıldığı mərasimdə görkəmli şairin müxtəlif sahələrdəki 50 illik fəaliyyəti təqdir olunub.

 

 

Mərasimdə Azərbaycanın tanınmış şairləri, o cümlədən Kərimi Marağalı, Məhəmmədrza Müqəddəsi və Vədud Dusti çıxış edərək ustad Barışmazın həyat və yaradıcılıq fəaliyyəti barədə danışıb və şeirlər oxuyublar.

 

Mərasim zamanı ustadın incəsənət, ədəbiyyat, xəttatlıq, rəssamlıq və oyma sənəti haqda olan qiymətli əsərlərinin sərgisi də təşkil olunub.

 

 

Heydər Abbasi 1943-cü ildə (hicri şəmsi təqvimi ilə 1322-ci il) Güney Azərbaycanın Marağa şəhərində doğulub. İbtidai təhsilini doğulduğu şəhərdə alan şair, ingilis dili ixtisası üzrə ali təhsil alıb.

 

Heykəltəraş, xəttat və rəssam kimi də tanınan ustad Barışmaz türk, ərəb, ingilis, fransız, rus və fars dilllərini mükəmməl bilir. Ən çox türk dilində yazıb-yaradan şair 40-dan çox dəyərli əsərin müəllifidir. Nəhcül-Bəlağənin təfsiri və türkcə tərcüməsi, Dartılmış dənələr, Çağırılmamış qonaqlar, Səs və divarlar və s. onun qiymətli əsərləri sırasındadır.

 

 

 

N.S

 


HƏMÇİNİN OXUYUN

HƏMÇİNİN OXUYUN