Mərənd və Culfada Şura Seçkilərinə Nəzarət Heyəti kütləvi şəkildə istefa verib

Mərənd və Culfada Şura Seçkilərinə Nəzarət Heyəti kütləvi şəkildə istefa verib

GünAz TV: Güney Azərbaycanın Mərənd və Culfa şəhərlərində Şura Seçkilərinə Nəzarət Heyətinin üzvləri  kütləvi şəkildə istefa verib.

 

Bu barədə sözügedən heyətin üzvü, Mərənd və Culfanın İran parlamentindəki millət vəkili Məhəmməd Həsənnəjad məlumat verib.

 

“Şura Seçkilərinə Nəzarət Heyətinin üzvləri kütləvi şəkildə istefa verib. Buna səbəb qanunların riayət edilməməsi və qurumların bir-biri ilə əlaqəli şəkildə fəaliyyət etməməsidir. Onsuz da Vilayətin Şura Seçkilərinə Nəzarət Heyəti özbaşınalıq edir və bizimlə heç bir əlaqə saxlamır. Bu o deməkdir ki, bizim olub vəya olmamağımızın heç bir fərqi yoxdur. Namizədlərin səlahiyyətinin təsdiq edilib vəya edilməməsi yuxarıdan diktə olunur. Biz bunu görüncə qanunsuz işlərdə məsuliyyət daşımamaq üçün həmən istefa verdik. Kənd və Şəhərlərdə Şura Seçkilərinə Nəzarət Heyəti ilə Vilayətin Nəzarət Heyəti əlaqəli şəkildə fəaliyyət göstərməlidir. Biz həm namizədin səlahiyyətini təsdiq, həm də rədd edə bilərik. Vilayətin Nəzarət Heyəti isə verilən qərarlarla bağlı bizdən sual soruşmalı və sonra qərar verməlidir, lakin belə bir əlaqə yoxdur və Şəhər Şura Seçkilərinə Nəzarət Heyətinin verdiyi qərarlar keçərsiz vəziyyətdə olduğu üçün biz istefa verdik”- deyə o bildirib.

 

“Biz bir namizədin səlahiyyətinin rədd vəya təsdiqlənməsinin səbəbini soruşanda deyirlər ki, təzyiq altında olduğumuz üçün belə qərar verdik. Biz deyirik ki, filan namizədin məhkəmədə dosyesi var, ona necə səlahiyyət verilə bilər?! Bizə cavab verilir ki, o adam yatırımçı olduğu üçün, ona səlahiyyət verməyə məcbur olduq. Bütün bunlar qəbul edilməzdir”- deyə Məhəmməd Həsənnəjad əlavə edib.

 

Millət vəkili təssüf hissi ilə deyib: “Biz yardım etmək istədik, ama mümkün olmadı. Artıq bu işə görə axirətimizi sata bilmərik. Qoy bu işlərə özləri cavabdeh olsunlar”- deyə o vurğulayıb.

 

N.S


HƏMÇİNİN OXUYUN

HƏMÇİNİN OXUYUN