Nadir Qazipur səhiyyə nazirini Urmiyada verdiyi açıqlamaya görə tənqid edib

Nadir Qazipur səhiyyə nazirini Urmiyada verdiyi açıqlamaya görə tənqid edib

GünAz TV: Güney Azərbaycanın Urmiya şəhərinin İran parlamentindəki millət vəkili Nadir Qazipur İranın səhiyyə nazirinın Urmiyada xəstəxanalarla bağlı verdiyi açıqlamaya görə tənqid edib.

 

Millət vəkili bu barədə çərşənbə günü “Fars” xəbər agentliyinin müxbirinə danışıb.

 

“Qərbi Azərbaycanda xəstəxanaların 2500 çarpayıya malik olması heç də yetərli deyil. Bu, 3 milyon 200 min əhalisi olan əyalətin ehtiyaclarına cavab verməz.”- deyə o bildirib.

 

Nadir Qazipur Qərbi Azərbaycanda xəstəxanaların ümumi tutumunun əyalətin əhali sayısına uyğun olmadığını dəfələrlə diqqətə çatdırıb. O bildirib ki, 2500 xəstəxana çarpayısı 2 milyondan az əhalisi olan bölgə üçün bəlkə də normal sayıla bilər, lakin 3 milyon 200 min əhalisi olan Qərbi Azərbaycana təxminən 5 min çarpayıya malik olan xəstəxanalara ehtiyac var.

 

Qeyd edək ki, İranın səhiyyə naziri Səid Nəməki çərşənbə günü Urmiyada Milad Xəstəxanasının açılışı mərasimində son illərdə Qərbi Azərbaycan Əyalətində səhiyyə sahəsində xeyli iş görüldüyünü və xəstəxanaların əhalinin ehtiyaclarına cavab verdiyini açıqlamışdır.

 

N.S


HƏMÇİNİN OXUYUN

HƏMÇİNİN OXUYUN