“Pejak” terror təşkilatı Urmiyənin Şura Seçkilərində “Nojin” siyahısını dəstəkləyir

“Pejak” terror təşkilatı Urmiyənin Şura Seçkilərində “Nojin” siyahısını dəstəkləyir

GünAz TV: “Pejak” kürd terror təşkilatı ictimai şəbəkələrdə Urmiyənin Şura Seçkilərində kürd namizədlərdən ibarət olan “Nojin” siyahısını dəstəklədiyini elan edib.

 

İsmail Simitkonun nəvəsi Arman Simitkonun bandasının təşəbbüsü ilə təşkil edilən “Nojin” qrupu ETTELAAT (İran Kəşfiyyat Nazirliyi) İdarəsi və İslam İnqilab Keşikçilər Korpusunun (“Sepah”) dəstəyi ilə açıq və rəsmi iclaslar keçirir.

 

Bundan öncə kütləvi informasiya vasitələrində ETTELAAT İdarəsi və “Sepah”la Pejak (PKK) terror qruplaşması arasında Arman Simitkonun bandasının araçılıq etdiyinə dair məlumat yayılmışdır.

 

Ötən günlərdə ETTELAAT İdarəsi və “Sepah”ın yardımı ilə keçirilən iclasda “Nojin” qrupunun üzvləri və “Pejak”ın əlaltıları Arman Simitko, Məsud Şəmsnəjad, Erşak Rəuf Qonbədi və Rəsul Bangin iştirak etmişdir. Məqsəd, “Nojin” siyahısına daxil olan 11 namizəddən ən azı 7-ni İran parlamentinə göndərmək və türror qruplaşmalarına yaxınlığı ilə seçilən Seyid Fəttah Hüseynini Urmiyəyə  Bələdiyyə başqanı seçməkdir.

 

ETTELAAT İdarəsi və “Sepah”ın PKK və “Pejak” kürd terror təşkilatları ilə əməkdaşlığa bu şəkildə üstünlük verməsinin əsas səbəbi Qərbi Azərbaycanın kürdləşməsi planını həyata keçirməkdir.

 

Qeyd edək ki, ötən əsrin əvvəllərində birinci dünya müharibəsinin sonlarında kürd, erməni və asuri dəstələri bir sıra xarici ölkələrin dəstəyi ilə Güney Azərbaycanın Urmiyə, Salmas və Xoy şəhərlərində kütləvi qətliam törədiblər. Kütləvi qırğın zamanı on minlərlə günahsız Azərbaycan türkü qətlə yetirilib. Bu hadisələrdə yuxarıda adını çəkdiyimiz Arman Simitkonun babası İsmail Simitko Azərbaycan türklərinə qarşı qətliam törədən kürd dəstələrinə rəhbərlik edib, onun adı Güney Azərbaycanda qatil, cinayətkar və talançı kimi tarixə düşüb.

 

N.S


HƏMÇİNİN OXUYUN

HƏMÇİNİN OXUYUN