Rejimin Zəncanda Nardaran hadisələri ilə bağlı keçirəcəyi mərasimə Azərbaycandan dini ekstremistlərin tərəfdarları da qatılacaq

Rejimin Zəncanda Nardaran hadisələri ilə bağlı keçirəcəyi mərasimə Azərbaycandan dini ekstremistlərin tərəfdarları da qatılacaq

GünAz TV: İran rejimi iki il öncə Azərbaycanın Nardaran qəsəbəsində polis əməliyyatı zamanı öldürülən islamçı ekstremistlərlə bağlı Güney Azərbaycanın daha bir şəhərində mərasim keçirməyə hazırlaşır.

 

Sözdə “Nardaran şəhidlərinin beynəlxalq anım mərasimi” adı altında keçiriləcək mərasimə Azərbaycan Respublikasından başqa Livan (Lübnan), Yəmən, Fransa, İngiltərə, Nigeriya, Bəhreyn, İndenoziya və İraq ölkələrindən də qonaqlar dəvət olunub.

 

Rejim tərəfindən yayılan məlumata görə, mərasimdə Azərbaycan Respublikasından ekstremistləri dəstəkləyən “Mübariz Ruhanilər Cəmiyyəti”nin rəhbəri Tövhid İbrahimbəyli geniş məruzə ilə çıxış edəcək. Mərasimə Azərbaycandan radikal fəaliyyəti ilə seçilən İslam Partiyasının üzvlərinin də qatılacağı gözlənilir.

 

Mərasim noyabrın 30-u yerli vaxtla saat 21:00-da Zəncanın Şöhəda Hüseyniyyəsində baş tutacaq.  

 

“Təşəyyünün (şiəlik) Beşiyi Müəssisəsi” isə noyabrın 26-da Nardaran hadisələri ilə bağlı Təbriz, Ərdəbil və Qum şəhərlərində oxşar mərasimlər keçirib. Əli Xameneinin əyalət nümayəndələri kimi rəsmi şəxslərin qatıldığı mərasimlərin sonunda Azərbaycan əleyhinə bəyanatlar yayılıb.

 

İran rejiminin Azərbaycan Respublikasının əleyhinə belə mərasimlər keçirməsi güney azərbaycanlıların etirazına səbəb olub.

 

İran rejimi, Azərbaycan Respublikası 1991-ci ildə müstəqilliyini yenidən bərpa etdikdən sonra bu ölkəni müxtəlif təhdid və təzyiqlərlə üz-üzə qoymağa çalışır. Ekspertlərin fikrinə görə, İranın Azərbaycanda dini ekstremist qruplar yetişdirmək, ölkəyə casuslar göndərmək, işğalçı Ermənistana yardım etmək, və s. kimi cəhdləri Azərbaycanın müstəqilliyi və dövlətçiliyinə qarşı yönəlib.

 

Xatırladaq ki, 2015-ci il noyabrın 26-da Azərbaycanın hüquq-mühafizə orqanları Nardaranda xüsusi əməliyyat keçirərkən, polis qüvvələri İran rejiminin təsiri altında olduqları deyilən islamçı ekstremistlərin atəşinə məruz qalmışdır. Bundan sonra polisə müqavimət göstərən dəstənin üzvlərindən 4-ü zərərsizləşdirilib, hökumət qüvvələrindən isə 2 polis, ekstremistlərin açdığı atəş nəticəsində şəhid olub. Hadisə ilə bağlı bir neçə nəfər həbs edilib.

 

 

 

 

N.S


  • Davud Turöz Hakanoglu 29 Noyabr, 2017 Saat 13:29

    iran rejimi bir münafik, xain,köle ve bandit bir örgüttür.Xumeyninin pariste tahrana getirilmesinden masak müsülmanlarin arasina ixtilaf samasiidi.bu rejim ona verilen görevi yerine getimektedir.Milletin oyanik olmasi gerekmektedir.

HƏMÇİNİN OXUYUN

HƏMÇİNİN OXUYUN