“Traxtur”-“Peykan” oyununda bir çox milli şüarlar səsləndirildi – VİDEO / GÖRÜNTÜ

“Traxtur”-“Peykan” oyununda bir çox milli şüarlar səsləndirildi – VİDEO / GÖRÜNTÜ

GünAz TV: Oktyabrın 19-da Təbrizin “Traxtur” futbol komandası Tehranda bu şəhərin “Peykan” komandasının qonağı olub.

 

“Traxtur” komandası, keçən görüşlərdə zədə almış və İran Futbol Federasiyası İnzibati Komitəsinin qərarı ilə oynamasına qadağa qoyulmuş komanda kapitanı Mehdi Kiyani kimi oyunçular iştirak etmədən meydana çıxıb. Oyun 2:1 hesabı ilə “Peykan”ın xeyirinə yekunlaşıb.

 

İnzibati komitə oyuna bir neçə saat qalmış Mehdi Kiyani haqqında çıxardığı qərarı elan edib, onun 2 ay müddətində super liqa yarışlarının 7 görüşündə iştirak etməsinə qadağa qoyulub. “Traxtur” oyunçusuna görüşə bir neçə saat qalmış müxtəlif bəhanələrlə qadağa tətbiq etmək, “Traxtur” klubuna qarşı atılmış növbəti qərəzli addım kimi qiymətləndirilir.

 

Bu barədə görüşdən sonra Azərbaycan komandasının baş məşqçisi Yəhya Gülməhəmmədi təəssüf hissi ilə bildirib ki, “Futbol bu gün çox pis üzünü bizə gösdərdi. Bu görüşdə qalib gələrək 3 xal (imtiyaz) əldə edə bilərdik, lakin belə olmadı. Biz bir çox fürsəti əldən verib və uduzduq. Ona görə də belə bir görüş haqda danışmaq mənim üçün çətindir”- deyə o bildirib.

 

Görüş zamanı Traxtur tərəfdarları bir çox şüarlar səsləndirib və plakatlar qaldırıblar. Plakatlar üzərində “Ana dilim verilsin – Traxturum sevinsin”, “El yatar, tufan yatar – Yatmaz Traxtur bayrağı”, “Türk irqi, sağ olsun”, “Türk dilində mədrəsə - Olmalıdır hər kəsə”, “Mədrəsəmiz olmadı – Urmu gölü dolmadı” və s. kimi şüarlar səsləndirilib. Bir neçə “Traxtur” tərəfdarı isə Azərbaycan Respublikası “Qarabağ” komandasının loqosunu plakatla nümayiş etdiriblər.

Soydaşlarımız Kərkük türkləri və Urmu gölü ilə bağlı şüarlara xüsusi yer veriblər.

Hökumət qüvvələri "Traxtur" tərəfdarları şüar səsləndirərkən onları kameraya çəkiblər.

 

Video:

https://www.youtube.com/watch?v=s8SWxkQWJh4

 

https://www.youtube.com/watch?v=NiQRE3b8y0Y

 

https://www.youtube.com/watch?v=NvDrc1BIvk8


https://www.youtube.com/watch?v=Tebyn7UPsw8

 

https://www.youtube.com/watch?v=o4XfoUj1AuQ

 

 

 

 

 

 

 

 

 

 

 

 

 

 

 

 

 

 

 

N.S


HƏMÇİNİN OXUYUN

HƏMÇİNİN OXUYUN