“Traxtur”un Türkiyədə keçirəcəyi təlim-məşq toplanışı ləğv olunub

“Traxtur”un Türkiyədə keçirəcəyi təlim-məşq toplanışı ləğv olunub

GünAz TV: Təbrizin “Traxtur” futbol komandasının qardaş Türkiyədə keçirəcəyi təlim-məşq toplanışı ləğv olunub.

 

İran mətbuatında yayılan məlumata görə, artıq “Traxtur” Türkiyədə deyil, Tehranda təlim-məşq keçirməyə hazırlaşır. 

 

İyulun 4-də Tehranda məşqə başlayacaq Azərbaycan komandası iyulun 14-də Təbrizə qayıdacaq.

 

Yəhya Gülməhəmmədinin yetirmələri Tehranda 3 yoldaşlıq görüşü keçirəcək, hələlik rəqib komandaların adları məlum deyil.

 

Bundan öncə Azərbaycan klubu təlim-məşq toplanışı keçirmək üçün “Traxtur”un Türkiyəyə səfər etməsini  planlaşdırıb. Komandanın xarici səfərinin hansı səbəbdən ləğv edildiyi açıqlanmır.

 

“Traxtur” klubunun Türkiyə səfərinin reallaşmaması heç də yeni bir hadisə deyil. Bir neçə il əvvəl “Traxtur”la Türkiyənin “Qalatasaray” komandalarının Təbriz və İstanbul şəhərlərində yoldaşlıq görüşü keçiriləcəyi barədə qərar verilmişdir, lakin sonralar görüş İranın təhlükəsizlik qüvvələrinin təzyiqi nəticəsində ləğv edilmişdir.

 

N.S


HƏMÇİNİN OXUYUN

HƏMÇİNİN OXUYUN