Urmiyə bölgəsində baş verən meşə yanğını 200 hektar ərazini məhv edib

Urmiyə bölgəsində baş verən meşə yanğını 200 hektar ərazini məhv edib

GünAz TV: Güney Azərbaycanın Urmiyə şəhərinə yaxın Marmişo məntəqəsinin meşələrində iyulun 29-u səhər saatlarında baş vermiş meşə yanğını 200 hektar ərazini məhv edib. Bu barədə İran mətbuatında məlumat yayıb.

 

Qərbi Azərbaycan Su Hövzəsi və Təbii Qaynaqlar İdarəsinin rəisi Rəhman Vahabzadə “İrna” xəbər agentliyinə bildirib ki, baş verən yanğın 1.5 gün davam etdikdən sonra söndürülüb.

“Yanğın şənbə günü səhər saatlarında 50 hektarlıq bir ərazidə baş verib, lakin güclü küləyin əsməsi nəticəsində yanğın sürətlə ətraf əraziləri bürüyüb. Marmişo məntəqəsinin 120 hektar ərazisi, hadisə nəticəsində ciddi ziyan görüb”- deyə o bildirib.

 

Yanğın yerli əhali, polis əməkdaşları, Ətraf Mühit İdarəsinin işçiləri, Qızıl Aypara Cəmiyyəti və Qərbi Azərbaycan Su Hövzəsi və Təbii Qaynaqlar İdarəsinin məmurları tərəfindən söndürülüb.

 

R.Vahabzadə əlavə edib ki, “müəyyən problemlərdən dolayı yanğının söndürülməsində helikopterdən istifadə olunmayıb, yanğının baş verdiyi ərazi çox çətin bir məntəqədə yerləşməsinə rəğmən adi vasitələrlə söndürülüb.”

 

O əlavə edib ki, hadisə bəzi turistlərin səhlənkarlığı nəticəsində baş verə bilər, bu barədə araşdırmalar aparılır.

 

Bir mətbuat orqanlarında yayılan məlumata görə, yanğın baş verdiyi gün Tehrandan helikopter istənilib, lakin buna müsbət cavab verilməyib. Yanğının sürətlə ətraf ərazilərə yayıldığını görən yerli məsullar onu söndürmək üçün hətta dağçılardan belə yardım istəyiblər. Bütün bunlar Azərbaycan şəhərlərində yanğınsöndürmək üçün texnika və helikopterlərin olmaması ilə bağlıdır.

 

Marmişo məntəqəsi Urmiyənin qərb bölgəsində yerləşir, bu bölgədə çox sayda nadir bitki və heyvanlara rast gəlinir.

 

N.S

 


HƏMÇİNİN OXUYUN

HƏMÇİNİN OXUYUN