Urmiyədə kürdlər hökümətin əli ilə qanunsuz şəkildə türklərin torpaqlarına yiyələnir – Sənədin təsviri

Urmiyədə kürdlər hökümətin əli ilə qanunsuz şəkildə türklərin torpaqlarına yiyələnir – Sənədin təsviri

GünAz TV: Urmiyədə rəsmi orqanların türklərə aid torpaqların kürdlərə satılması və ötürülməsi ilə bağlı saxtakarlığına dair bir sənəd üzə çıxıb.

 

Məlum olub ki, İmamın (Xomeyni) Fərmanlarını İcra Edən Mərkəz dövrün valisi Qurbanəli Səadət və Şəhər Şurasının göstərişi ilə 75 hektar və 11000 kvadrat metr torpaq sahələrini İraqın Ərbil şəhərində yaşayan Məhəmməd Əmin Novruzi adlı bir kürdə buraxıb. Bu barədə Qərbi Azərbaycanın Ərazi və Torpaq işləri üzrə Mərkəzi və Kənd Təsərrüfatı İdarəsi ilə də gizli yazışmalar olub.

 

Bərq və Apadana xiyabanlarının kəsişməsində yerləşən torpaq sahələri əslində Amerika Birləşmiş Ştatlarında yaşayan bir türkə aiddir. Lakin hökumət müxtəlif təzyiq və təhdidlər yolu ilə torpaq sahəsini sahibindən alıb və məhkəmə vasitəsi ilə İmamın Fərmanlarını İcra Edən Mərkəzin ixtiyarına verib.

 

Məlumata görə, İzzətulla Məcdipur adlı bir şəxs xanım Sürəyya Beyrəqinin vəkili kimi çıxış edərək sözügedən torpaq sahəsini qanunsuz bir şəkildə Məhəmməd Əmin Noruziyə satıb.

 

Məhəmməd Əmin Noruzi İraq Kürdlərinin lideri Məsud Barzaniyə yaxın şəxslərdəndir. Adlarının amçıqlanmasını istəməyən bəzi mənbələr onun kürd terror qruplaşmalarına dəstək verdiyini bildirir.

 

Kürd terror qruplaşmaları Qərbi Azərbaycanı kürdləşdirmək üçün əsasən dünyaya çox uşaq gətirmək,  torpaq və ev alaraq bölgəyə mühacirət etmək üsulundan istifadə edir. Onlar bu planlarını ən çox qaçaqmalçılıq yolu ilə əldə etdikləri gəlir hesabına həyata keçirirlər. Azərbaycan Milli Hərəkat fəalları Qərbi Azərbaycan Əyalətində torpaqların radikal kürdlərə satılmaması barədə dəfələrlə xəbərdarlıq ediblər. Lakin təəssüflər olsun ki, belə faktlara hələ də rast gəlinir, rejimin bölgənin kürdləşdirilməsində maraqlı olması isə məsələni qat-qat mürəkkənləşdirib.

 

Sənədin təsviri:

 

 

 

 

N.S


HƏMÇİNİN OXUYUN

HƏMÇİNİN OXUYUN