Urmiyədə Qarapapaq elinə həsr olunmuş sərgi keçirilir

Urmiyədə Qarapapaq elinə həsr olunmuş sərgi keçirilir

GünAz TV: Dekabrın 29-da Urmiyə İncəsənət Hövzəsinin sərgi salonunda Qarapapaq elinə həsr olunmuş foto-sərginin açılış mərasimi keçirilib.

 

Çox sayda azərbaycanlı ictimai, siyasi və mədəni fəalın qatıldığı sərgi insanlar tərəfindən böyük rəğbətlə qarşılanıb.

 

Azərbaycan Mədəniyyət və Ədəbiyyat Mərkəzinin Planlaşdırma Şurasının üzvü cənab Təbatəbayi, azərbaycanlı mədəni fəal Rza Dağistani və tarixçi-alim Məhərrəm Pərizad mərasimdə çıxış edərək keçirilən sərgi və Qarapapaq eli barədə geniş məlumat veriblər.

 

“Urmiyədə Sulduz şəhərindən olan təxminən 20-30 min nəfər qarapapaq yaşayır. Təəssüflər olsun ki, qarapapaq eli ilə bağlı tarixi kitab və mənbələr olduqca məhduddur. Bu məsələ gələcəkdə Qarapapaq eli və onun tarixinin unudulmasına səbəb ola bilər. Ona görə də, bu elin Əmir Fəllah, Xosrəvi və s. kimi ağsaqqalları və ictimaiyyət nümayəndələrinin yardımı ilə belə bir sərginin keçirilməsinə qərar verdik. Mövzu ilə bağlı əldə etdiyimiz bəzi sənəd və şəkilləri sərgidə nümayiş etdirdik. Biz çalışdıq ki, Azərbaycan xalqı, xüsusi ilə də Qarapapaq elinin mədəniyyətini gələcək nəsillərə öturmək üçün onu müəyyən qədər canlandıraq”- deyə Rza Dağistani bildirib.

 

Mərasimdə Azərbaycan türkcəsində şeirlər oxunub və Rza Puyəndə tərəfindən musiqi parçası ifa olunub.

 

Sərgi 2017-ci il yanvarın 5-dək hər gün yerli vaxtla saat 10:00-dan  13:00-a və 17:00-dan 20:00-dək açıq olacaq.

 

N.S

 


HƏMÇİNİN OXUYUN

HƏMÇİNİN OXUYUN